Desh Ke 9 Shaharon Mein Aayojit Hogi Hockey Raashtreeya Championship

Sports »

Desh Ke 9 Shaharon Mein Aayojit Hogi Hockey Raashtreeya Championship

Nai Delhi. . Hockey India (echaaai) ki vaarshik raashtreeya championship ke teesare sanskaran ka aayojan teen April se 10 June ke beech desh ke nau shaharon mein kiya jaaega. Is aayojan mein senior, junior aur sab-junior varg ke mahila evam purush tournament shaamil hain. Senior purush championship-2013 ka aayojan 28 May se 10 June ke beech Pune mein hoga jabki senior mahila championship 18 se 30 April ke beech Lucknow mein aayojit hogi. Isi tarah junior purush championship ka aayojan Rohtak mein 27 May se chhah June tak aur mahila championship ka aayojan 10 April se 1 May tak Ranchi mein hoga. Sab-junior raashtreeya championship ke tahat uttar kshetr ki teemein soneepat mein 10 se 15 April ke beech varchasv ki ladaai ladeingi. Jabki dakshin kshetr ke mukaabale 17 se 22 April ke beech chennai mein honge. Uttar kshetr ke tahat mahila varg ke mukaabale bhi soneepat mein hone hain jabki dakshin kshetr ke tahat mahila mukaabale bhi chennai mein hi hone hain. Purush evam mahila aayojanon ki taareekh ek hi hai. Poorv kshetr ke tahat naagaun mein 3 se aath April ke beech mahila evam purush teemein varchasv ki ladaai mein shaamil hongi jabki pashchim kshetr ki or se mumbai mein 11 se 15 April ke beech mahila evam purush tournament honge. Donon vargon ke final mukaabale 1 se 7 May tak Hyderabad mein khele jaaenge. Senior purush vijeta team ko 20 lakh rupaye aur mahila vijeta ko 18 lakh rupaye ka puraskaar milega. Isi tarah junior purushon ko 17 lakh aur junior mahilaaon ko 15 lakh rupaye ka puraskaar milega. Sab-junior uttar, dakshin, poorv aur pashchim kshetr teemon ko teen-teen lakh rupaye ka puraskaar milega jabki is varg ka final khelne waali teemon ko 3.5 lakh rupaye mileinge. Mahila varg mein final tak pahunchane waali teemon ko bhi 3.5 lakh rupaye hi mileinge. Is tarah echaaai raashtreeya championship mein kul ek karod ek lakh rupaye ka puraskaar vitrit karega

Desh Ke 9 Shaharon Mein Aayojit Hogi Hockey Raashtreeya Championship https://www.angrejinews.com/pic/3397