Desh Ka Seva Niryaat March Mein 6.6 Pratishat Badhkar 17.94 Arab Dollar Hua

Business »

Desh Ka Seva Niryaat March Mein 6.6 Pratishat Badhkar 17.94 Arab Dollar Hua

Nayi Delhi, 15 May (bhaasha) desh se sevaaon niryaat March maheene mein 6.60 pratishat badhkar 17.94 arab dollar par pahunch gaya. Reserve bank ne Budhvaar ko iske aankade jaari kiye. aalochya maah ke dauraan seva-aayaat bhi 10.55 pratishat badhkar 11.37 arab dollar par pahunch gaya. Is tarah March ke dauraan seva-vyaapaar mein palada 6.58 arab dollar se Bhaarat ke paksh mein jhuka raha. yeh aankada 45 din ke vilamb se aata hai aur ismein praathamik soochanaaen shaamil hoti hain. Timaahi aadhaar par inmein sanshodhan kiya jaata hai. desh ke sakal ghareloo utpaad mein seva kshetr ki 55 pratishat se adhik hissedaari hai. Sarkaar niryaat ki vruddhi ko tej karne ke liye kadam utha rahi hai. sarkaar ne soochana praudyogiki, paryatan aur hauspitliti jaise 12 mukhya seva kshetron ko badhaava dene ke liye pichhle saal paanch hajaar karod rupaye ke package ki manjoori di thi.

Desh Ka Seva Niryaat March Mein 6.6 Pratishat Badhkar 17.94 Arab Dollar Hua https://www.angrejinews.com/pic/274813