Demoo Rel Seva Ko Soniya Dikhaaengi Hari Jhandi

India »

Demoo Rel Seva Ko Soniya Dikhaaengi Hari Jhandi

IANS . Lucknow : Congress adhyaksh soniya Gandhi 21 April ko Lucknow se sultaanapur ke beech diesel-ilaiktrik malteepal unit (demoo) relagaadiyon ke parichaalan ko hari jhandi dikhaaengi. Is avsar par rel mantri pavan bansal bhi maujood raheinge. Soniya Lucknow ke chaarabaag railway station se demoo relagaadi ko hari jhandi dikhaakar ravaana kareingi. Rel bajat 2013-14 mein Lucknow se sultaanapur ke beech demoo seva shuroo karne ki ghoshana ki gayi thi. Maana ja raha hai ki isse hajaaron dainik yaatriyon ko laabh hoga. Sootron ke mutaabik, Loksabha chunaav se pehle Congress ka sheersh netrutv uttar pradesh mein kam se kam apne gadh vaale kshetron mein rel bajat mein ghoshit adhiktar relagaadiyon aur yaatri suvidhaaon se judi yojanaaen shuroo kar dena chaahata hai, taaki chunaav mein unhein ginaaya ja sake. Lucknow mandal ke railway ke senior adhikaari haalaanki is par aadhikaarik roop se kuchh bhi kehne se bach rahe hain.

Demoo Rel Seva Ko Soniya Dikhaaengi Hari Jhandi https://www.angrejinews.com/pic/5699