Delivery Mein Laaparavaahi Se Mahila Ki Maut Ka Aarop

India »

Delivery Mein Laaparavaahi Se Mahila Ki Maut Ka Aarop

enabeeti news . Kurukshetr : Yamunaanagar sthit ek sarkaari aspataal mein kathit roop se dilivri mein laaparavaahi baratne ki vajah se hui ek mahila ki maut par parijanon ne jamkar hangaama aur todfod ki. Police ne mauke par pahunchakar bigad rahi sthiti par kaaboo paaya. Jaankaari ke mutaabik, somvaar shaam ko gaanv salemapur ki ek mahila maneesha ko yamunaanagar ke traama center mein daakhil karavaaya gaya tha. Der raat usane ek bachche ko janm diya. Maneesha ke pati rishipaal aur ek rishtedaar attar Singh ka aarop hai ki dilivri ke baad mahila ki haalat bigadne lagi. Unhonne iski jaankaari kai baar sambandhit Doctor ko di, lekin koi dhyaan naheen diya gaya. Aarop hai ki delivery ke dauraan laaparavaahi barte jaane ke kaaran mahila ne mangalvaar subah dam tod diya. Iske baavajood Doctor unase jhooth bolte rahe aur PGI Chandigarh le jaane ke liye kaha. Is beech mahila ko ek niji aspataal ke Doctor se dikhaaya gaya, jinhonne bataaya ki vah kaafi pehle mar chuki hai. Uske baad parijanon ne hangaama karte hue police se kaarravaai ki maang ki. Esaechao city sanjeev Kumar ka kehna hai ki filhaal 174 ki kaarravaai ki gayi hai. Police postmortem report aane ke baad aage ki kaarravaai karegi.

Delivery Mein Laaparavaahi Se Mahila Ki Maut Ka Aarop https://www.angrejinews.com/pic/5808