Delhi Rep ACP Ke Thappad Par Supreme Court Ne Maanga Javaab

Breaking » Thursday, April 25, 2013

Nai Delhi. . Delhi ke Gandhinagar mein 5 saal ki bachchi se rape ke virodh mein pradarshan ke dauraan ACP ke ek ladki ko thappad maarane ki ghatna par Supreme court ne police commissioner se javaab maanga hai. Court ne iske saath hi pichhle dinon Aligadh mein bachchi se rape ki ghatna ka virodh kar rahi mahilaaon par police ki barbarata par UP police ke deejeepi se javaab maanga hai. Court ne police ko fatkaar lagaate hue uske is vyavahaar ko 'Jaanvaron jaisa' bataaya hai. Supreme court ne Delhi ke police commissioner neeraj Kumar ko nirdesh dete hue kaha hai ki vah mahilaaon ke khilaaf hinsa ki is ghatna par court mein halafnaama dein. Usane saath hi poochha gaya hai ki is maamale mein ab tak kya kaarravaai ki gayi hai. Gaurtalab hai ki bachchi se darindagi ki ghatna se gussaae log svaami dayaanand aspataal ke baahar pradarshan kar rahe the. Isi dauraan pradarshan kar rahi ek ladki ko Delhi police ke ACP bi. S. Ahalaavat do-do thappad jad diye the. Is ghatna par yah khoob hangaama huaa tha. Thappad maarane ke kareeb 15 minute baad hi ACP ko suspend kar diya gaya tha.