Delhi Rape LIVE Sansad Mein Hangaama, Doosra Aaropi Bhi Arest

Breaking » Monday, April 22, 2013

Delhi mein bachchi se darindagi ki ghatna ki goonj sadak ke baad ab sansad mein bhi sunaai day rahi hai. Loksabha mein jahaan is ghatna par jamkar hangaama huaa, vaheen Delhi mein lagaataar teesare din bhi virodh-pradarshanon ka silsila jaari hai. Udhar, manoj ka doosra saathi pradeep bhi police ke shikanje mein aa chuka hai. Jaaniye is ghatna par subah se ab tak ka poora update. . . Sansad mein bachchi se rape par hangaama Delhi mein bachchi se balaatkaar ki goonj somvaar ko sansad mein bhi sunaai di. BJP aur BSP ke saansadon ne doshiyon ko faansi dene ki maang ke saath jamkar naarebaaji ki. Iske alaava pashchim Bengal ki mukhyamantri mamata Bannerjee ka gheraav evam raajya ke vitt mantri se dhakka-mukki ki ghatna evam anya muddon par bhi bhaari hangaama huaa. Iske kaaran Loksabha ki kaaryavaahi kuchh hi minute baad dopahar 12 baje tak sthagit kar di gayi. (padhein poori khabar: Sadak ke baad sansad mein bhi goonja rape ka maamala)rape ki dhaara ab gang-rape mein tabdeel Delhi police ne ab maana hai ki Gandhi nagar mein 5 saal ki bachchi se rape naheen gang-rape huaa tha. Rape ki dhaara ko nae ainti rape bill ke tahat gang-rape mein aid kar diya hai. Iske alaava baaki anya dhaaraaen shaamil hain. East DCP prabhaakar ne hamaare sahayogi akhbaar saandhya times se baatcheet mein pushti karte hue kaha ki rape ki dhaara ko gang-rape mein tabdeel kar diya gaya hai. Bihar mein somvaar tadke pradeep ki giraftaari ke baad hi police ne rape case ko gang-rape mein tabdeel kar liya. Pradarshan se dari sarkaar, 3 metro station band Gandhi nagar mein 5 saal ki bachchi se hue gang-rape ke chalte aam logon ke badhte aakrosh ko dekhte hue Delhi metro ne somvaar subah se resakors, keindreeya sachivaalaya aur udyog bhavan railway station ko band karne ka ailaan kiya hai. In stationon ko metro ne Delhi police ki hidaayat ke baad band karne ka faisala liya hai. Metro pravakta ke anusaar police ke agale aadesh tak in stationon ko band rakha jaaega. Ravivaar ko bhi pradhaanamantri aavaas par aam janta party ke badhte pradarshan ko dekhte hue shaam 6: 45 baje race course station ko band kar diya tha. BJP ka sansad March rape ke khilaaf kada kaanoon banaane ki maang ko lekar BJP ne somvaar ko sansad maarg tak March kiya. Iska netrutv party ki Delhi unit ke adhyaksh vijay Goyal ne kiya. Party ka kehna hai ki jis tarah desh aur Delhi mein rape ke maamalon mein lagaataar maamale badh rahe hain, usako dekhte hue vartamaan kaanoon mein sanshodhan kiya jaana jaroori hai. Is March mein party neta, kaaryakarta aur badi sankhya mein mahilaaen bhi shaamil huin. Commissioner ko hataane ki atkalein Delhi police commissioner neeraj Kumar hateinge ya raheinge, is masale ko lekar subah tak tasveer saaf naheen thi. Sarkaar aur Congress mein is mudde ko lekar matabhed hain. Sarkaar mein sheersh naukarashaahon ka ek varg jaldabaaji mein kisi bhi faisale ke khilaaf hai, lekin raajaneetik jaroorat ke hisaab se maamale mein jald faisala liye jaane ki vakaalat bhi ki ja rahi hai. Kaha ja raha hai ki neeraj Kumar ko hatne ke liye kah diya gaya hai. Charcha yah bhi hai ki soniya Gandhi ke bayaan ke baad neeraj Kumar ne shanivaar der shaam khud bhi hatne ki peshakash kar di hai. Bataaya ja raha hai ki neeraj Kumar 31 July ko apne ritaayarameint tak khud hi chhutti par jaane ki taiyaari mein hain. Doosra darinda bhi huaa giraftaar Delhi ke Gandhinagar mein 5 saal ki maasoom bachchi ke saath rape ke doosare aaropi pradeep ko police ne Bihar ke lakheesaraaya se giraftaar kar liya hai. Somvaar subah lakheesaraaya adaalat mein pesh kar traanjit remand par lene ke baad police pradeep ko Delhi laane ki taiyaari kar rahi hai. Use shaam tak Delhi laaya ja sakta hai. Darabhanga ka rahane vaala pradeep lakheesaraaya ke badhaiya gaanv mein mausa ke ghar mein chhipa tha. Police ne uske mausa se poochhataachh ki, jismein unhonne bataaya ki unhein is baat ki jaankaari naheen thi ki vah Delhi mein aparaadh karke yahaan chhipa hai. Patni aur saas ne maangi manoj ki faansi is beech, kal tak apne pati ke saath khadi mukhya aaropi manoj ki patni ka rukh badal gaya hai. Manoj ki patni ne kaha hai ki agar uske pati doshi paae jaate hain, to faansi ki saja di jaae. Manoj ko Delhi police ne shanivaar ko mujaffarapur se giraftaar kiya tha. (poori khabar padhein: Patni aur saas boli, manoj ki milni chaahiye faansi) pradeep ko shaam tak Delhi laaegi police pradeep aaropi manoj ka dost hai. Vah kuchh din pehle hi kaam ki talaash mein Bihar se Delhi aaya tha. Manoj ne poochhataachh mein bataaya tha ki gudiya se darindagi mein pradeep bhi uske saath tha. Sootron ke mutaabik, pehle pakade gaye aaropi manoj se jaise hi pakke taur par yah pata chal gaya ki uske saath doosra vyakti bhi tha, vaise hi police team ko Bihar bhej diya gaya. Bihar police ki madad se doosare aaropi ki movement follow ki gayi. Aakhirkaar use lakheesaraaya mein giraftaar kar liya gaya. Lakheesaraaya aur Patna ke beech sadak se kareeb teen ghante ka raasta hai. Patna airport se aaropi ko Delhi le aaya jaaega. Mausa ke ghar mein chhipa huaa tha pradeep Delhi police commissioner neeraj Kumar ne giraftaari ki pushti karte hue bataaya ki doosare aaropi pradeep ko Delhi police aur Bihar police ke jauint operation mein giraftaar kiya gaya. Unhonne bataaya ki use traanjit remand lene ke baad Delhi laaya jaaega. ' Bihar ke police mahaanideshak (deejeepi) abhayaanand ne bataaya ki bachchi se balaatkaar ke doosare aaropi pradeep Kumar ko barahiya thaana kshetr se tadke 12.30 baje giraftaar kiya gaya. Lakheesaraaya ke police upaadheekshak (DSP) subodh vishvaas ke anusaar aaropi pradeep (25) ko barahiya ke lohiya chauk ke paas sthit ek petrol panp ke paas sthit apne mausa hareraam Singh ke ghar se giraftaar kiya gaya. Aaropi shekhapura jile ka nivaasi hai. Vidiyo dekhkar aaya tha darindagi ka aaidiya pradeep par aarop hai ki usane manoj ke saath milkar 5 saal ki maasoom bachchi ke saath haivaaniyt dikhaate hue rape kiya tha. Is ghatna ki shikaar maasoom bachchi ka ems mein ilaaj chal raha hai. Ropi manoj ne police ko bataaya tha ki usane apne saathi pradeep ke saath sharaab pi thi. Uske baad donon mobile phone par ashleel film dekhte rahe aur bachchi ke saath haivaaniyt karte rahe. Jab unhein laga ki bachchi mar gayi hai, donon faraar ho gaye. Sootron ke mutaabik pradeep se poochhataachh mein pata lagaaya jaaega ki kya donon aaropiyon ne yah vaaradaat pehle se rachi saajish ke tahat ki? Kya donon ki najar us bachchi par pehle se hi lagi hui thi ya unhonne usi vakt vah kukrutya karne ka iraada kiya? Pradeep ke Delhi pahunchane ke baad donon ke doosare thikaanon aur saathiyon ka bhi pata lagaaya jaaega. (poori khabar padhein: Donon ne vah vidiyo dekha aur fir. . . )