Delhi Railway Station Se 70 Bachche Bachaae Gaye

Breaking »

Delhi Railway Station Se 70 Bachche Bachaae Gaye

Nai Delhi: puraani Delhi railway station par Budhvaar ko Bihar se laae ja rahe 70 bachchon ko maanav taskaron ke changul se chhudaaya gaya hai. Bachchon ko doosari relagaadi se Punjab le jaaya ja raha tha. Police ne iski jaankaari di. in bachchon ko Bihar ke raksaul se Delhi ke raaste Punjab le jaaya ja raha tha. Unhein Delhi mein Punjab ke liye relagaadi leni thi. police ki ek team uttar pradesh ke gaajibaad mein relagaadi par chadhi aur bachchon ko us vakt bachaaya, jab unhein puraani Delhi railway station par doosari relagaadi mein bithaaya ja raha tha. ek police adhikaari ne bataaya, aath se 16 saal ke bachchon ko chhudaaya gaya hai, unhein naukri ka jhaansa dekar Punjab le jaane ke liye Delhi laaya gaya tha. bachchon ko chhudaane ka abhiyaan Delhi police aur maanav taskari ko samaapt karne aur bachchon ke adhikaar ke liye kaam karne vaale gair sarkaari sangathan (NGO) bachapan bachaao aandolan ne sanyukt roop se chalaaya tha.

Delhi Railway Station Se 70 Bachche Bachaae Gaye https://www.angrejinews.com/pic/51259