Delhi Nashe Mein Dhut Shakhs Ne Ki Mahila Ki Goli Maarkar Hatya

Breaking »

Delhi  Nashe Mein Dhut Shakhs Ne Ki Mahila Ki Goli Maarkar Hatya

Delhi ke saraaya kaale Khan mein ek mahila ki goli maarkar hatya kar di gayi hai. Filhaal jo jaankaari mil rahi hai ki mahila bas stand par khadi thi tabhi nashe mein dhut ek yuvak uske paas aaya aur usase zabardasti karne ki koshish ki. Ladaka use apne saath le jaana chaahata tha, jab mahila ne usaka virodh kiya to us yuvak ne mahila ko do goli maari. Mahila ko ems ke trauma center mein bharti karaaya gaya lekin usaki maut ho gayi. Police ke mutaabik donon ek doosare ko pahachaanate the. Donon hi bhajanapura ke rahanevaale the. Aas-paas khade logon ne aaropi ko dabochakar police ke havaale kar diya hai. Filhaal police usase poochhataachh kar rahi hai. Shuruaati khabaron ke anusaar poorvi Delhi mein bhajanapura ki nivaasi pooja ka pehle aaropi munshi Yadav ke saath jhagada huaa. Isi dauraan usane pooja ko goli maar di. Pooja ko turant ems trauma center le jaaya gaya. Jahaan usaki maut ho gayi. Munshi ko bheed ne turant pakad liya aur police ko saunp diya. Saamoohik balaatkaar kaand ke baad is ghatna ne ek baar fir rajdhani mein mahilaaon ki suraksha par savaal khade kar diye hain. Police ne kaha ki yah vaaradaat us vakt hui jab pooja naam ki ek mahila antararaajyeeya bas adde aur hajarat nijaamuddeen railway station se sate saraaya kaale Khan mein ring rod par apne pati mohan prasaad ke saath thi. Ek varishth police adhikaari ne kaha ki hamlaavar ki pehchaan Bihar ke rahane vaale munshi Yadav ke taur par hui hai. Yadav ko giraftaar kar liya gaya hai. Police ne kaha ki peedita aur hamlaavar ek doosare ko jaante the aur yah vaaradaat aapasi ranjish ka nateeja lagti hai. Adhikaari ne kaha, 'Vah kathit taur par nashe mein tha. Usane mahila ke saath abhadr vyavahaar kiya to mahila ne aitaraaj jataaya. Isse naaraaj aaropi ne mahila par goli chala di. Mauke par hi mahila ne dam tod diya. ' Chashmadeedon ne bataaya ki raahageeron ne hamlaavar ko pakadkar police ke havaale kar diya. Mauke se 100 meter ki doori par hi ek police chauki hai. PCR vain ghatna ke 10 minute ke bheetar hi mauke par pahunch gayi. Ghatna raat ke kareeb aath baje hui. Rakesh Kumar naam ke ek chashmadeed ne bataaya ki usane mahila aur hamlaavar ko kisi mudde par bahas karte suna tha. Kumar ne bataaya ki hamlaavar ke paas ek desi pistaul thi. Usane bataaya, 'Humne usaki jeb mein kuchh goliyaan dekheen. '

Delhi Nashe Mein Dhut Shakhs Ne Ki Mahila Ki Goli Maarkar Hatya https://www.angrejinews.com/pic/2763