Delhi Mein Vidhaanasabha Chunaav Ke Liye Taiyaar Harshavardhan

Breaking »

Delhi Mein Vidhaanasabha Chunaav Ke Liye Taiyaar  Harshavardhan

Bhaajapa neta harshavardhan ki file tasveer Bhaajapa neta harshavardhan ki file tasveer Nai Delhi: Loksabha chunaavon mein bhaajapa ki badi jeet se utsaahit Delhi bhaajapa pramukh harshavardhan ne kaha hai ki party nikat bhavishya mein kisi bhi samay vidhaanasabha chunaav ke liye taiyaar hai. Iske saath hi unhonne vidhaanasabha chunaav mein party ko spasht bahumat milne ka bharosa bhi jataaya. harshavardhan ne yeh bhi spasht kar diya ki bhaajapa kisi bhi tarah ke jod-tod se Delhi mein sarkaar banaane ki koshish naheen karegi aur shaasan ke vaaste spasht janaadesh ke liye chunaav ka intajaar karegi. unhonne PTI se ek saakshaatkaar mein kaha, ham taaja vidhaanasabha chunaav ke liye taiyaar hain. Mujhe lagta hai jald se jald chunaav hona chaahiye. Main aashvast hoon ki chunaav hone par Delhi ki janta hamein spasht janaadesh degi. bhaajapa ko Delhi mein sabhi saaton seaton par ek lakh se lekar 2.6 lakh ke antar ke beech jeet mili. Yahaan Loksabha chunaavon mein bhaajapa ki vote hissedaari bhi badhakar 46.1 pratishat ho gayi, jabki vidhaanasabha chunaav mein party ko 33.07 pratishat vote mile the. Vardhan ko chaandani chauk seat se 1.35 lakh vote se jeet mili. Jald vidhaanasabha chunaav ka samarthan karte hue harshavardhan ne kaha ki chunaav agale aath maheene ke bheetar ho jaana chaahiye, kyonki raashtrapati shaasan ek saal se jyaada naheen chal sakta.

Delhi Mein Vidhaanasabha Chunaav Ke Liye Taiyaar Harshavardhan https://www.angrejinews.com/pic/50891