Delhi Mein Shuroo Hui JDU Ki Do Divseeya Baithak

India »

Delhi Mein Shuroo Hui JDU Ki Do Divseeya Baithak

Nai Delhi. . Janta dal United (JDU) ki raashtreeya kaaryakaarini aur raashtreeya parishd ki do divseeya baithak shanivaar ko yahaan shuroo ho gayi. Is baithak mein JDU adhyaksh sharad Yadav, Bihar ke mukhyamantri neeteesh Kumar, Bihar pradesh JDU adhyaksh vashisht Narayan Singh, varishth neta raamasundar das, shivaanand tivaari samet kai anya neta shaamil hue. Baithak ki aupachaarik shuruaat sharad Yadav ke sambodhan ke saath hui, jismein unhonne party kaaryakartaaon se anushaasit evam sangathit hokar raajya aur desh ke vikaas mein yogadaan karne ka aahvaan kiya. Is baithak mein sharad Yadav ko lagaataar teesari baar JDU adhyaksh banaane ki ghoshana ki jaaegi. Baithak ki samaapti par ek raajaneetik prastaav bhi paarit kiya jaaega. Yah baithak aise samay ho rahi hai jab JDU ne Gujarat ke mukhyamantri Narendra Modi ko BJP ka pradhaanamantri pad ka ummeedavaar banaae jaane ki sthiti mein iska virodh karne ke sanket diye hain.

Delhi Mein Shuroo Hui JDU Ki Do Divseeya Baithak https://www.angrejinews.com/pic/5443