Delhi Mein Sarkaar Gathan Par Raashtrapati Se Baat Kareinge Uparaajyapaal

Breaking »

Delhi Mein Sarkaar Gathan Par Raashtrapati Se Baat Kareinge Uparaajyapaal

Delhi ke uparaajyapaal najeeb jang ki file tasveer Delhi ke uparaajyapaal najeeb jang ki file tasveer Nai Delhi: Delhi mein sarkaar ke gathan par aam aadmi party ke badalate rukh ke beech uparaajyapaal najeeb jang ne guruvaar ko kaha ki vah is mudde par raashtrapati Pranab mukharji ke saath charcha kareinge. Haalaanki unhonne yeh bhi spasht kar diya ki Kejriwal ki party ne abhi tak taaja chunaavon ki maang naheen ki hai. ek samaaroh se itar jang ne samvaadadaataaon ko bataaya, mere honth sile hue hain. Main is baare mein aapse baat naheen kar sakta. Yeh mere aur raashtrapati ke beech hai aur main iske baare mein raashtrapati se baat karoonga. uparaajyapaal raashtreeya rajdhani mein nai sarkaar ke gathan ki sambhaavana se jude ek savaal ka javaab de rahe the. Jab unase poochha gaya ki kya 'Aap' ne Delhi mein taaja chunaav karaane ki sifaarish ke liye unase anurodh kiya hai, to jang ne kaha ki party ki or se aisa koi prastaav abhi tak naheen aaya hai. najeeb jang ne kaha, unhonne Delhi mein dobaara chunaav karaane ke liye naheen kaha hai. Mangalvaar ko 'Aap' ke neta Arvind Kejriwal ne jang se kaha tha ki vah Delhi vidhaanasabha ko jaldi bhang na karein. Unhonne jang se kaha tha ki vah shahar mein janasabhaaen aayojit karke yeh jaanane ki koshish kareinge ki kya party ko dobaara sarkaar banaani chaahiye? haalaanki 'Aap' ne Budhvaar ko sarkaar banaane ke prayaas chhod diye. Kejriwal ne Budhvaar ko maana ki vartamaan sthiti mein satta mein aane ke avsar naganya hain aur unhonne Delhi ke mukhyamantri pad se isteefa dene ke liye maafi bhi maangi.

Delhi Mein Sarkaar Gathan Par Raashtrapati Se Baat Kareinge Uparaajyapaal https://www.angrejinews.com/pic/51368