Delhi Mahilaaon Ke Liye Sabse Asurakshit Mahanagar

Breaking » Tuesday, February 26, 2013

Nai Delhi: Delhi mahilaaon ki suraksha ke lihaaj se desh ka sabse asurakshit shahar hai. Ek nae sarvekshan ke anusaar chhuttiyon mein ghoomane-firne ya kaam ke liye baahar nikalne ke lihaaj se Delhi ko sabse asurakshit mahanagar maana gaya hai. Mumbai ko mahilaaon ki suraksha ke lihaaj se (34 pratishat) sabse surakshit bataaya gaya jabki 12 pratishat maton ke saath Ahmedabad evam Bengaluru doosare sthaan par hain. Treval portal, trip edavaaijar dvaara karaae gaye ekal mahila yaatri sarvekshan 2013 ke anusaar, ''Mahilaaon ke khilaaf hone vaale aparaadhon ki haal mein I baadh ki vajah se rajdhani badnaam ho gayi hai aur is vajah se 84 pratishat mahilaaon ne ise sabse asurakshit mahanagar bataaya hai. '' Sarvekshan mein 94 pratishat mahilaaon ne kaha ki vah desh mein akele yaatra karte samay hamesha naheen to kam se kam kabhi-kabhi apni suraksha ko lekar chintit rahati hain. Lekin videshon ki yaatra karte samay unhein aisi chinta naheen rahati. Keval chhah pratishat mahilaaon ne kaha ki jab vah akele videsh yaatra karti hain to unhein chinta hoti hai. Haalaanki suraksha ko lekar chinta ke baavajood keval 33 pratishat mahilaaon ne kaha ki jab vah kisi nae ya anajaan shahar ki yaatra karti hain to aatmasuraksha ke liye kuchh saamaan (pepar spray ki tarah) rakhati hain. 37 pratishat mahilaaon ne kaha ki unhein akele yaatra karne mein dikkat naheen hai lekin vah apni suraksha ke liye chintit rahati hain. Yah sarvekshan kaamkaaji mahilaaon par kiya gaya jinmein bahut saari mahilaaen apna khud ka vyaapaar bhi karti hain aur ghar ka kaamkaaj bhi sanbhaalati hain.