Delhi Ke Liye Galati Ki Koi Gunjaaish Naheen

Cricket »

Delhi Ke Liye Galati Ki Koi Gunjaaish Naheen

Nai Delhi. . Aaipeel mein lagaataar chhah haar ke saath mushkilon ka saamana kar rahi Delhi Daredevils ki team ab galati karna bardaasht naheen kar sakti. Tournament mein apni ummeedein barkaraar rakhane ke liye ravivaar ko use har haal mein Mumbai Indians ko haraana hoga. Delhi Daredevils ke abhiyaan ki shuruaat kaafi kharaab rahi hai aur team ko IPL chhah mein ab tak apni pehli jeet ki talaash hai. Pichhle season mein league maichon ke baad ank taalika mein top par rahi Delhi ki team maujooda season mein lagbhag aisi sthiti mein pahunch gayi hai, jahaan use knockout mein jagah banaane ke liye apne sabhi match jeetne honge. Yah chunauti kaafi mushkil hai lekin naamumkin naheen. Daredevils ko yahaan Ferozshah Kotla par apne pichhle match mein chennai super kings ke haathon 86 run se karaari shikast ka saamana karna pada hai. Chennai ke chaar wicket par 169 run ke score ka saamana karte hue Delhi ki team 17.3 over mein sirf 83 run ke score par dher ho gayi thi. Ab tak jeet ka khaata kholne mein naakaam rahi Daredevils ko knockout mein jagah banaane ke liye chamatkaar ki hi ummeed hogi. Team ko batting order ki naakaami ka sabse jyaada khaamiyaaja bhugatna pada hai. Virendra Sehwag, David Warner aur kaptaan maahela jayavardhane jaise khilaadi is season mein buri tarah naakaam rahe hain jabki middle order mein anubhav ki kami hai. Apne career ke sabse mushkil daur se gujar rahe Sehwag peeth mein takaleef ke kaaran shuruaati maichon mein naheen khel paae the, lekin vaapasi ke baad bhi vah prabhaavit karne mein naakaam rahe hain. Iske alaava jeevan Mendis, yohaan botha aur Andre Russel jaise all-rounder dabaav se nipatne mein safal naheen ho pa rahe hain. Yuva wicket-keeper kedaar jaadhav aur Manpreet juneja kuchh had tak balle se yogadaan day paae hain lekin unhein doosare saathiyon se sahayog naheen mila. Team ko England ke kevin Peterson aur new jeelaind ke all-rounder JC rider ki jabardast kami khal rahi hai, jo choton ke kaaran maujooda season se baahar hain. Daredevils ko unke geindabaajon ne bhi niraash hi kiya hai. Morne Morkel, Umesh Yadav, Irfan pathaan aur shaahabaaj nadeem jaise khilaadi tukadon mein hi achha pradarshan kar paae hain.

Delhi Ke Liye Galati Ki Koi Gunjaaish Naheen https://www.angrejinews.com/pic/6218