Delhi Ke Alag-alag Teen Ilaakon Mein Mile Sandigdh Bag, Naheen Mila Bam

Breaking » Monday, February 25, 2013

Nai Delhi: Delhi ke teen sthaanon se somvaar ko teen sandehaaspad bag baraamad kiye gaye. Inmein se ek sainya aspataal ke baahar aur do shahar ke baajaaron mein mile. Adhikaariyon ke mutaabik in baigon mein koi visfotak padaarth naheen mile. Ek police adhikaari ne kaha ki praarambhik jaanch mein yah pata chala hai ki ek yuvak dopahar mein bag ko sainya aspataal ke paas feinkakar motorcycle se faraar ho gaya. Iske baad doosra bag teen baje chhaavani ilaake ke gopeenaath baajaar mein mila haalaanki ismein kuchh kaagajaat the. Teesara bag greater Kailash-1 mein shaam 5.30 baje ek motorcycle par mila. Ek anya adhikaari ne kaha, "Bag milne ke baad ilaake ko gher liya aur jaanch ke baad ismein kuchh bhi sandehaaspad naheen mila. " Adhikaari ne bataaya ki jaanch ke baad motorcycle aur bag ka maalik bhi vahaan aa pahuncha. Usase poochhataachh ki ja rahi hai.