Delhi Ke Agale Daur Mein Pravesh Ki Aas Peterson

Cricket »

Delhi Ke Agale Daur Mein Pravesh Ki Aas  Peterson

agencyan . Nai Delhi chot ke kaaran Indian Premier league (IPL) 6 se baahar England ke visfotak baitsamain kevin Peterson ne tournament mein apni team Delhi Daredevils ki dheeli shurooaat ke baare mein Peterson ne kaha ki kismat ne Delhi ka saath naheen diya. Unhonne kaha, 'Delhi ka aagaaj hi ghatiya raha, kyonki aakhiri mauke par chot ke kaaran mere, JC rider ke baahar hone aur kuchh maichon mein Virendra Sehwag ke naheen khel paane ka asar team sanyojan par pada. Mujhe aas hai ki Delhi baaki saare match jeetkar agale daur mein pravesh karegi. Yadi ham baaki saare match jeet lete hain to agale charan mein pahunchane ki ummeed hai. Delhi ka aatmavishvaas ab laut chuka hai aur mujhe yakeen hai ki aane vaale maichon mein jeet ki laya kaayam rahegi. Delhi Daredevils mere dil ke bahut kareeb hai. Dhoni hain chatur captain: Peterson ne chennai super kings ko khitaab ka sabse prabal daavedaar bataate hue kaha ki unke paas Mahendra Singh Dhoni ke roop mein chatur captain aur behad santulit team hai. Peterson ne yahaan kaha, ' ti-20 cricket mein haalaanki kayaas lagaana mushkil hai lekin mujhe lagta hai ki chennai ka palada bhaari hai. Uske paas Dhoni jaise chatur captain hain, jo bhaarateeya sthitiyon mein aur bhi behtar pradarshan karte hain. Saath hi chennai ke paas achhe spinner hain, jo tournament mein aham bhoomika nibha rahe hain. Michael hasi ka rang mein hona chennai ke liye bonas saabit huaa hai. Final Kolkata mein hoga, jahaan ke haalaat chennai ke samaan hi hai, lihaaja use yah bhi faayda milega. Kekeaar ke itna dheela pradarshan karne se main jaroor hairaan hoon, Ricky aur sachin shaanadaar cricketer : IPL -6 mein manubai Indians ke liye khel rahe sachin Tendulkar aur Ricky Ponting jaise khilaadiyon ki dheeli form ki baabat unhonne kaha , 'Ti-20 cricket aisa faurmet hai ki ismein achaanak aakar achha pradarshan karna mushkil hai. Iske liye lagaataar khelte rahana jaroori hai lekin Ricky aur sachin shaanadaar cricketer hain. Inke bina IPL itna bada aur umda naheen hota. ' June tak maidaan par lautane ki ummeed : Apni chot ki baabat Peterson ne kaha ki unhein yakeen hai ki vah June mein maidaan par laut sakeinge. Unhonne kaha, 'Meri chot theek ho rahi hai. Main chainpiyans trophy naheen khel sakoonga ,lekin ashes se pehle June tak maidaan par lautane ki ummeed hai. Chainpiyans trophy June mein England mein kheli jaaegi. Haalaat bhaarateeya baulars ke anukool honge : Unhonne kaha , 'Bhaarateeya baalaron ke liye chainpiyans trophy mein England ke haalaat anukool honge lekin baitsamainon ko mushkil pesh aaegi. England ki pichon par baul swing hoti hai lihaaja bhaarateeya pesaron ka kaam aasaan hoga. Bhaarateeya baitsamainon ko mushkilein pesh aa sakti hai. Vaise aajkal sabhi peshevar cricketer duniya bhar mein itni cricket khelte hain ki haalaat ke mutaabik khud ko dhaalane mein koi dikkat naheen aani chaahiye. '

Delhi Ke Agale Daur Mein Pravesh Ki Aas Peterson https://www.angrejinews.com/pic/7584