Delhi Gang-rape Naabaalig Par Juvenile Court Mein Chalega Rape, Hatya Ka Mukadama

Breaking »

Delhi Gang-rape  Naabaalig Par Juvenile Court Mein Chalega Rape, Hatya Ka Mukadama

Nai Delhi: Rajdhani Delhi mein 16 December ki raat chalti bas mein hue saamoohik balaatkaar maamale mein juvenile Justice board (kishor nyaaya board) ne 17 saal ke aaropi ke khilaaf balaatkaar aur hatya ke aarop tay kiye hain. Maamale ki sunavaai juvenile court mein 6 March se shuroo hogi. Police dvaara pesh kiye gaye sabooton mein ise aparaadh mein baraabar ka bhaageedaar bataaya gaya hai. Haalaanki police ne is aaropi ki umr ki jaanch ke liye arji daayar ki thi, lekin juvenile Justice board ne uske schooli dastaavej ko maanyata di, jismein usaki umr aparaadh ke vakt 18 saal se kam bataai gayi thi. Ab yadi vah doshi karaar bhi diya jaata hai, to vah adhiktam teen saal tak kisi sudhaar gruh mein rahega, jail mein naheen. Isi maamale mein shesh paanch abhiyukton par fast track court mein mukadama jaari hai, jahaan doshi paae jaane par unhein maut ki saja tak di ja sakti hai.

Delhi Gang-rape Naabaalig Par Juvenile Court Mein Chalega Rape, Hatya Ka Mukadama https://www.angrejinews.com/pic/3042