Delhi Daredevils Vaapasi Karegi Juneja

Cricket »

Delhi Daredevils Vaapasi Karegi  Juneja

agencyan . Mumbai Delhi Daredevils ne bhale hi is baar IPL -6 mein abhi tak ek bhi jeet darj naheen ki hai lekin team ke yuva cricketer Manpreet juneja ka maanana hai ki abhi team ko chuka huaa maan lena jaldabaaji hogi. Juneja ne mangalvaar raat yahaan Mumbai Indians ke haathon Delhi ki haar ke baad kaha, 'Aisa hota hai. Yah cricket hai, lekin hamein khud par bharosa hai. Hamein ummeed hai ki ham vaapasi kareinge. ' Delhi ko apne dhaansoo opener Virendra Sehwag ki kami akhari. Manpreet juneja ne kaha, 'Sehwag abhi bhi poori tarah fit naheen hain. Veeroo pa abhi theek ho rahe hain. Vah fit lag rahe hain lekin 100 feesadi fit naheen hai. Vah sau feesadi fit hue bina naheen kheleinge. ' yah poochhe jaane par ki David Warner jaise visfotak opener se unhonne kya seekha? Is par juneja ne kaha, 'Warner aur mera khel ekdam alag hai, lekin vah bahut santulit khilaadi hain. Aapko unajaise khilaadiyon se santulan banaae rakhane ki seekh milti hai. Iske alaava mainne unase takaneeki aur maanasik pahaloo par bhi bahut kuchh seekha hai. '

Delhi Daredevils Vaapasi Karegi Juneja https://www.angrejinews.com/pic/5137