Delhi Aane Ke Liye Kamar Kas Rahe Hain Modi

Breaking »

Delhi Aane Ke Liye Kamar Kas Rahe Hain Modi

Ahmedabad. . BJP sansadeeya board aur keindreeya chunaav samiti mein shaamil kiye jaane ke saath hi Gujarat ke mukhyamantri Narendra Modi ne agale Loksabha chunaavon ki taiyaariyon ke liye kamar kasani shuroo kar di hai. Modi ke kareebi maane jaane vaale Gujarat BJP ke ek neta ne kaha ki Modi ka poora dhyaan ab Loksabha chunaavon par hoga. Party adhyaksh Rajnath Singh bhi kah chuke hain ki Modi BJP ke sabse lokapriya neta hain aur agale aam chunaav mein unke oopar aham jimmedaari hogi. Party sootron ka kehna hai ki aane vaale dinon mein unhein ilekshan kainpen committee ka Chairman banaaya ja sakta hai. Sootron ka kehna hai ki keindreeya raajaneeti mein adhik samay dene ke liye Modi kisi bharosemand ko upamukhyamantri bhi bana sakte hain. Gujarat mein BJP ke netaaon ka maanana hai ki pradesh vidhaanasabha chunaavon mein Modi ki hait-trik aur unhein party ki mahatvapoorn keindreeya ikaaiyon mein shaamil kiye jaane se ab vah khulkar apni raashtreeya mahatvaakaanksha par dhyaan day sakeinge. BJP neta ne kaha, 'Party adhyaksh Rajnath Singh ki samoochi team 2014 ke chunaavon par dhyaan keindrit kar banaai gayi hai. ' Modi ravivaar ko ghoshit BJP ki keindreeya team mein smruti Irani aur do kathit farji muthabhedon ke maamalon mein aaropi amit shaah jaise apne vishvaasapaatron ko jagah dilaane mein safal rahe hain. Kaha bhi ja raha hai ki Rajnath ki nai team mein Modi ka dabadaba hai. Party pravakta prakaash jaavadekar ne bhi ravivaar ko kaha tha ki Modi ko unki badhti lokapriyta ki vajah se BJP sansadeeya board mein shaamil kiya gaya hai. Jaavadekar ne kaha tha, 'Narendra Modi BJP ke sabse senior mukhyamantri hain aur apne raajya mein unhonne kaafi safalta arjit ki hai. Vah gair bhrasht achhi sarkaaron ka prateek ban chuke hain. ' BJP mein Modi ka kad badhne ke saath hi un par ek puraane saathi ne hamla kiya hai. BJP mein social injiniyring ki shuruaat karne vaale govindaachaarya ne Modi ko sansadeeya board mein shaamil karne ke faisale ki aalochna ki hai. Unki rai mein Narendra Modi ko abhi desh ko samajhna baaki hai. Unhonne Narendra Modi ke saath-saath Rahul Gandhi par bhi hamla kiya. Congress party ke upaadhyaksh par hamla karte hue unhonne kaha ki Rahul Gandhi ko abhi desh ko bhi samajhna baaki hai.

Delhi Aane Ke Liye Kamar Kas Rahe Hain Modi https://www.angrejinews.com/pic/4063