Delhi - NCR Mein Bhookamp Ke Tagade Jhatke

Breaking »

Delhi - NCR Mein Bhookamp Ke Tagade Jhatke

Nai Delhi . . Delhi NCR sahit poore uttar Bhaarat mein mangalvaar dopahar baad bhookamp ke tagade jhatke mahasoos kiye gaye. Ye jhatke teen baar mahasoos kiye gaye. Richter skel par iski teevrata 7.8 maapi gayi. Haalaanki filhaal is bhookamp se jaan maal ke nuksaan ki khabar naheen hai. Mangalvaar dopahar baad rajdhani Delhi aur NCR ke saath hi Kashmir aur Rajasthan ke vibhinn ilaakon mein bhookamp ke teevr jhatke aae. Pashchim Bhaarat mein Gujarat ke vibhinn ilaakon mein bhi ye jhatke mahasoos kiye gaye. Jhatke itne jordaar the ki logon mein ghabaraahat fail gayi. Kuchh second ke antaraal mein teen baar ye jhatke aae. Richter skel par iski teevrata 7.8 bataai gayi hai. Iska kendra Pak-Iran seema par bataaya ja raha hai. Iran ke khaash se kareeb 86 kilometer door tha bhookamp ka kendra. Jameen ki satah se 15 kilometer neeche tha bhookamp ka kendra. Iske alaava jis ilaake mein bhookamp ka kendra tha, vah gahan aabaadi ka ilaaka naheen hai. Is vajah se teevrata jyaada hone ke baavajood jaan-maal ke khaas nuksaan ki aashanka naheen hai. Bhaarat mein nuksaan ki naheen is beech mausam vibhaag ne bataaya hai ki poore uttar Bhaarat mein bhookamp ke jhatke mahasoos kiye gaye. Is vajah se ghabaraahat to faili, lekin choonki bhookamp ka kendra Hindustan se kaafi door hai, isliye Hindustan mein teevrata kam thi aur yahaan isse kisi khaas nuksaan ki aashanka naheen hai.

Delhi - NCR Mein Bhookamp Ke Tagade Jhatke https://www.angrejinews.com/pic/5744