Deharaadoon Mein Ireland Ki Mejabaani Karega Afghanistan

Cricket »

Deharaadoon Mein Ireland Ki Mejabaani Karega Afghanistan

Deharaadoon Afghanistan yahaan ke Rajiv Gandhi antararaashtreeya cricket stadium mein 21 February se 19 March tak tee20 antararaashtreeya, one-day aur test series ke liye Ireland ki mejabaani karega. Ireland ke is daure par 3 T20I, 5 one-day aur ek test khelega. Afghanistan aur Ireland ko pichhle saal ICC ne poorn sadasyata ke saath test khelne ka darja diya tha. Ireland ke liye videshi daure par yeh pehla test hoga. Pichhle saal Ireland ne ghareloo match se Pakistan ke khilaaf test mein padaarpan kiya tha, jismein team ko 5 wicket se haar ka saamana karna pada tha. Afghanistan ka padaarpan match Bhaarat ke khilaaf Bengaluru mein tha, jismein unhein paari aur 262 run ki karaari shikast mili thi. Yeh doosari baar hai jab donon team dwipaksheeya series mein ek doosare ke aamne-saamane hongi. Pichhli baar Ireland daure hui series mein Afghanistan ne tee20 aur ekadivseeya series mein jeet darj ki thi. Di sports pehle aur doosare tee20 ke saath pehle, teesare aur chauthe one-day ka prasaaran karega.

Deharaadoon Mein Ireland Ki Mejabaani Karega Afghanistan https://www.angrejinews.com/pic/255914