Deh Vyaapaariyon Ne Chhaatraaon Ko Kiya Tha Agava

India »

Deh Vyaapaariyon Ne Chhaatraaon Ko Kiya Tha Agava

ek samvaadadaata . Sahaaranapur thaana naanauta ilaake mein 2 maheene pehle 2 chhaatraaon ko agava kiye jaane ke maamale mein police ne court ke aadesh par mahila samet 3 logon ke khilaaf mukadama darj kiya hai. Jaankaari ke mutaabik, shikaayatakarta ghaaseeraam (badla huaa naam) ne bataaya ki vah majadoori karke apne parivaar ka paalan-poshan karta hai. Uske gaanv ki ek mahila suneeta apne pati aur bachchon se alag rahati hai. Aarop hai ki vah lokesh aur pauli naamak yuvakon ke saath milkar gaanv ki bholi-bhaali ladkiyon ko deh vyaapaar mein dhakel deti hai. Ghaaseeraam ka kehna hai ki usaki beti aur bhateeji 17 January ko school ja rahi thi. Raaste mein suneeta aur uske donon saathiyon ne chaakoo ka dar dikhaakar donon ladkiyon ko agava kar liya tha. Use jaankaari mili ki donon ladkiyon ko Gurgaon ke ek makaan mein bandhak banaakar rakha gaya hai. Vah kuchh logon ko lekar Gurgaon pahuncha, jahaan se donon ladkiyon ko baraamad kar liya gaya. Is beech sabhi aaropi vahaan se faraar ho chuke the. Police ne report darjakar aaropiyon ki talaash shuroo kar di hai.

Deh Vyaapaariyon Ne Chhaatraaon Ko Kiya Tha Agava https://www.angrejinews.com/pic/4391