Deepa Karmakaar Ne Jimnaistik Vishv Cup Ke Final Daur Ke Liye Kvaulifaai Kiya

Sports »

Deepa Karmakaar Ne Jimnaistik Vishv Cup Ke Final Daur Ke Liye Kvaulifaai Kiya

Baakoo (ajarabejaan) Bhaarat ki deepa karmakaar ne guruvaar ko yahaan kalaatmak jimnaastik vishv cup ke kvaulifaaing daur mein teesare sthaan par rahakar vault spardha ke final mein pravesh kiya. 25 varsheeya deepa ne pratiyogita mein pehli baar sabse mushkil 'Haindafrant 540 vault' mein haath aajmaae. Ismein unhonne do kvaulifaaing daur vault mein 14.466 aur 14.133 ank jutaakar ausatan 14.299 ank haasil kiye. America ki Z kaire ne kvaulifaaing daur mein 14.70 ke ausat score se pehla sthaan, jabki Mexico ki eleksa moreno ne 14.533 ank se doosra sthaan haasil kiya. Kvaulifikeshan dau mein sheersh aath mein rahane waali jimnaist final mein khelati hain. Vault final shanivaar ko hoga. Rio olympic 2016 mein chauthe sthaan par rahane waali deepa shukravaar ko baileinsd beam spardha mein bhi hissa leingi. Bhaarateeya jimnaistiks mahaasangh ke upaadhyaksh riyaaj bhaati ne kaha, 'Deepa ka pradarshan achha raha. Hamein ummeed karni chaahiye ki vah shanivaar ko final ke baad podiym sthaan par rahe aur olympic kvaulifikeshan ki taraf ek or kadam badhaae. ' Deepa ne pichhle saal November mein Germany ke kotabas mein kalaatmak jimnaistik vishv cup ki vault spardha mein kaansya padak jeeta tha. Ghutne ki chot se ubarane ke baad yeh unka pehla toornameint tha.

Deepa Karmakaar Ne Jimnaistik Vishv Cup Ke Final Daur Ke Liye Kvaulifaai Kiya https://www.angrejinews.com/pic/261229