Deedi Urdoo Par Sooar Ke Maans Par Episode Prasaarit Hone Se Hangaama

Breaking »

Deedi Urdoo Par Sooar Ke Maans Par Episode Prasaarit Hone Se Hangaama

Mohammad vajihuddeen Mumbai. . Dooradarshan ke lokapriya urdoo channel par prasaarit hone vaala ek program se vivaad khada ho gaya hai. Deedi urdoo par ek kooking sho program 'Test ki baat hai' naam se prasaarit hota hai. 9 April ko is program ka ek episode sooar ki resipi par focus tha. Ismein khaas karke sooar ke soop banaane aur uske test ko lekar nuskhe baataae ja rahe the. Lekin is program mein khaas karke sooar ki resipi ko shaamil karne ki baat muslim darshakon ke gale naheen utar rahi hai. Ab is program ki muslim samudaaya ke kai sekshan ki taraf teekhi aalochna ho rahi hai. Is samudaaya ke neta aur vidvaan progaam ko prasaarit karne ke faisale se hairaan hain. Inka kehna hai ki yah poori tarah se saaf hai ki urdoo channel dekhne vaalon mein sabse jyaada muslim darshak hain. Lekin channel ne is episode ko prasaarit kar apni asanvedanasheelata ka hi parichay diya hai. Kya inhein pata naheen hai ki islaam mein sooar haraam hai. Jaamiya miliya islaamiya university mein islaamik stadij ke prafesar akhtarul vaase ne kaha ki urdoo channel keval muslim Khan-paan par hi baat naheen karta hai. Iske baavajood vaise program ko prasaarit karne se pehle satark rahana chaahiye jisse majahabi seintimeint aahat hota hai. Isse bacha ja sakta tha. Is vivaad par deedi urdoo ke prograaming egjekyutiv M. Senagupta ne kaha ki kooking series 'Test ki baat hai'Alag-alag Pak shaili, life style par episode prasaarit karta hai. Ismein koi khaas samudaaya par focus naheen kiya jaata hai. Lekin ham is khaas episode ki tahakeekaat kareinge ki ise kyon prasaarit kiya gaya. Islaamik vidvaanon ka kehna hai ki media mein chhapane vaale aartikl ya prasaarit hone vaale prograamon ko majahabi prijm mein naheen dekha ja sakta hai ki lekin media ko aise masale par khud hi samvedansheel hokar sochana chaahiye ki majahabi sadbhaavana ko kaise kaayam rakha jaae. Islaamik skaular jeennat shaukat Ali ne kaha ki ham logon ke test par pratibandh naheen laga sakte hain. Lekin yah baat sach hai ki deedi urdoo ke jyaadaatar darshak muslim hain. Pavitra Quraan mein sooar ka maans haraam hai. Aise mein koi muslim is program ko saraah naheen sakta hai. Kuchh logon ne is episode ko bina chhaanabeen aur soche samajhe prasaarit karne par hairaani jataayi hai. Urdoo kaulamist firoj bakht Ahmad ne kaha ki deedi urdoo ek khaas samudaaya mein behad lokapriya hai. Main to chakit hoon ki kisi ne socha tak naheen ki is episode se ek samudaaya ki bhaavanaaen aahat hongi.

Deedi Urdoo Par Sooar Ke Maans Par Episode Prasaarit Hone Se Hangaama https://www.angrejinews.com/pic/5405