Deedi Ne Khoob Khela Badle Ka Khel, Janta Ne Amit Shaah Ko Kuchh Naheen Hone Diyaa Modi

Breaking »

Deedi Ne Khoob Khela Badle Ka Khel, Janta Ne Amit Shaah Ko Kuchh Naheen Hone Diyaa Modi

Daayamand haarbar Pradhaanamantri Narendra Modi ne pashchim Bengal ke daayamand haarbar mein chunaavi janasabha ko sambodhit karte hue CM mamata Bannerjee par jamkar nishaana saadha. Pradhaanamantri ne kaha ki mamata sarkaar mein maanav taskar, gotaskar, ghuspaithiye, koyala aur ret maafiya sab dar se mukt hain. Unhonne beete dinon BJP adhyaksh ke rodasho ke dauraan hui hinsa par gussa jataate hue kaha ki deedi ne baukhalaahat mein badla lene ka khoob khel khela lekin Bengal ki janta ne amit shaah ko kuchh hone naheen diya. Unhonne Bengal mein sharanaarthiyon ko lekar naagarikta mein sanshodhan karne ki bhi baat kahi. Badla naheen Bengal mein badlaav ka daur: Modi Daayamand haarbar mein BJP pratyaashi ke samarthan mein rally karte hue PM ne kaha ki buaa-bhateeje ne milkar Bengal ko kaafi badnaam kiya hai. Aaj unke khilaaf vidroh khada ho gaya hai. Baukhalaahat mein deedi inch-inch badla lene ki baat kah rahi hain. Modi ne kaha, are deedi, rodasho mein inch-inch badla lene ka khoob khel khela gaya lekin Bengal ki janta ne patthar jhelakar bhi amit shaah ko kuchh hone naheen diya. Modi ne kaha ki yeh badla lene ka naheen yeh to Bengal mein badlaav ka daur hai. Unhonne mamata Bannerjee ki or ishaara karte hue kaha ki badla lene ke iraade dhare ke dhare rah jaaenge aur badlaav aage badh jaaega. Naagarikta sanshodhan mudde par bole PM Pradhaanamantri ne mamata Bannerjee ke bhateeje Abhishek Bannerjee par sadak ki jameen kabja karke apna office banaane ka aarop lagaaya. Unhonne kaha ki BJP ki sarkaar aane ke baad bhateeje ke office mein taala lagana tay hai. Iske alaava naagarikta sanshodhan par bhi PM ne yahaan apna rukh spasht kiya. Unhonne kaha, fir ek baar Modi sarkaar aane par ghuspaithiyon ki pehchaan ki jaaegi aur unka baayodaata khangaala jaaega. Saath hi seemaaon ko aadhunik fesing ke jariye aur surakshit kiya jaaega. Is dauraan seemaavarti ilaakon mein sharanaarthiyon ko lekar PM Modi ne mahatvapoorn daave kiye. Modi bole- sharanaarthiyon ko chinta karne ki jaroorat naheen Modi ne kaha ki aastha ke kaaran sataae hue jo saathi yahaan sharanaarthi ka jeevan ji rahe hain unako ab chinta karne ki jaroorat naheen hai. Ham naagarikta mein sanshodhan karne vaale hain taaki maan bhaarati ki har us santaan ko naagarikta mil sake jiske paas Bhaarat ke alaava aur koi thikaana naheen hai. Iske alaava PM ne ek baar fir sabka saath-sabka vikaas ka naara diya aur kaha ki hamaara lakshya hai ki saal 2022 tak har gareeb ke paas pakka ghar ho aur har parivaar ke paas bijli aur gas-choolha ho.

Deedi Ne Khoob Khela Badle Ka Khel, Janta Ne Amit Shaah Ko Kuchh Naheen Hone Diyaa Modi https://www.angrejinews.com/pic/274763