Deeaaiji A Ke Jain Ko Paanch Saal Ki Saja

India »

Deeaaiji A Ke Jain Ko Paanch Saal Ki Saja

suneel meharotra . Mumbai ek mahatvapoorn faisale mein IPS adhikaari A ke jain ko bhrashtaachaar se jude ek case mein paanch saal ki saja sunaai gayi hai. Session court ne Budhvaar ko jain ke saath unke peee prasann lodha ko bhi itni hi saja di. Donon par dedh-dedh lakh rupaye ka jurmaana bhi lagaaya gaya hai. Gaurtalab hai ki jain aur lodha ki giraftaari poorv senior peeaai sanjeev kokil ki shikaayat par hui thi. Khaas baat yah hai ki khud kokil ko pichhle maheene bhrashtaachaar ke aarop mein police ki naukri se rimoov kiya gaya tha. Yah poora maamala 21 May 2000 ka hai. Kokil un din bhaayakhala police station mein night duty par the. Usi dauraan vaakola jon ke tab ke DCP (ab jauint CP) sadaanand daate ne ek beer baar mein red daali. Yah baar nirdhaarit samay seema ke baad bhi khula huaa tha. Haalaanki bhaayakhala tab daate ko jon naheen tha, lekin raat mein kisi bhi jon ka DCP kisi doosare jon mein bhi patrolling par ja sakta hai. Choonki yah duty adhikaari ki jimmedaari hoti hai ki uske apne ilaake ke beer aur dance baar sahi samay par band hon, isliye sadaanand daate ne kokil ko laaparavaahi ka doshi maana aur unke khilaaf kaarravaai ke liye tab ke south reejan ke adishnal CP A ke jain ko ek letar likha. Uske baad A. Ke. Jain ne apne peee prasann lodha ke jariye kokil se sampark kiya aur kaarravaai se bachane ke liye paanch lakh rupaye ki rishvat maangi. Kokil ne fauran tab ke bhrashtaachaar nirodhak bureau ke cheef rauni meindosa ko soochit kar diya. Uske baad trap lagaaya gaya. Pehle lodha ko giraftaar kiya gaya. Baad mein A ke jain ki giraftaari hui. Rishvat kaand mein kisi IPS adhikaari ka us vakt yah sabse bada case tha.

Deeaaiji A Ke Jain Ko Paanch Saal Ki Saja https://www.angrejinews.com/pic/5177