Death Overon Ki Naheen Hai Chinta Dravid

Cricket »

Death Overon Ki Naheen Hai Chinta  Dravid

agencyan . Jaipur Rajasthan Royals ke captain Rahul Dravid ne mangalvaar ko kaha ki is season mein death over unki chinta ka kaaran naheen hain, kyonki senior baular laut aae hain. Saath hi kuchh nae romaanchak khilaadiyon ke saath karaar huaa hai. Dravid ne kaha, 'Hamein shaun tait, kevin koopar aur shreeshaant jaise baularon ki kami pichhli baar khali thi. Shane Watson bhi jyaadaatar match naheen khel sake the. Aise mein hamein death overon mein anubhavaheen baularon se kaam chalaana pada tha. Hamein iska khamiyaaja bhi bhugatna pada, lekin is baar ham behtar taiyaari ke saath aae hain. Neelaami mein humne fidel Edwards aur James faakaner par paisa lagaaya. ' Dravid ne yahaan aadhikaarik fainaviyr kalekshan ke launch hone ke mauke par kaha, 'Tait aur James faakaner ki tarah Edwards ke paas achhi raftaar hai. Shreeshaant bhi fit hain aur net par achhi bauling kar rahe hain. Vah khud ko saabit karne ko bekaraar hai aur yahi vajah hai ki praiktis maichon ke baad bhi unhonne net par praiktis ki. ' unhonne sanket diya ki Watson ko tournament mein geindabaaji ki jimmedaari saunpi ja sakti hai lekin unhonne yah bhi kaha ki iska faisala Watson ko hi lena hai. Dravid ne kaha, 'Mujhe lagta hai ki vah kuchh maichon mein bauling kareinege, lekin yah faisala unhein lena hai. Vah bauling karein ya naheen, team ke liye vah bade khilaadi hain. Vah chhah April ki subah Delhi aaenge aur pehla match naheen khel sakeinge, lekin baaki maichon mein upalabdh raheinge. ' unhonne yah naheen bataaya ki ajinkya rahaane ke saath paari ki shurooaat kaun karega. Unhonne kaha, 'Hamaare paas kai opshan hain. Ajinkya aur mainne top order mein achha pradarshan kiya hai. Ham apni rananeeti par vichaar kar rahe hain jinka abhi khulaasa naheen kiya ja sakta. '

Death Overon Ki Naheen Hai Chinta Dravid https://www.angrejinews.com/pic/4227