De, Mukharji Swiss Open Ke Quarter Final Mein

Sports »

De, Mukharji Swiss Open Ke Quarter Final Mein

Baasel (Switzerland), 14 March (bhaasha) bhaarateeya khilaadi shubhankar de aur riya mukharji ne guruvaar ko yahaan Swiss open badminton tournament mein kramash: Puroosh aur mahila ekal ke quarter final mein jagah banaayi. de ne Indonesia ke paanchaveen vareeyata praapt jonaathan kristi par 12-21, 22-20, 21-17 se sangharshapoorn jeet darj ki. Yeh match ek ghante 11 minute tak chala. mukharji ne Canada ki apni pratidvandvi misheli li ke aadhe match se hat jaane ke kaaran antim aath mein pravesh kiya. Mukharji tab 18-16 se aage chal rahi thi. de saamana ab maujooda olanpik champion cheen ke chen long se hoga jabki mukharji cheen ki sheersh vareeyata praapt chen yufei se bhidegi. mahila yugal mein ashvini ponappa aur N sikki Reddy ne Switzerland ki Nadia frainkaasar aur Netherland ki iris tebaling ko seedhe game mein 21-14, 21-17 se haraakar quarter final mein pravesh kiya. mishrit yugal mein M aar arjun aur ke maneesha ne hamavatan pranav jeri Chopra aur N sikki Reddy ko 21-16, 16-21, 21-15 se paraajit kiya.

De, Mukharji Swiss Open Ke Quarter Final Mein https://www.angrejinews.com/pic/261267