Daya Arji Mein 11 Saal Deri Ke Baavajood Hogi Bhullar Ko Faansi SC

Breaking »

Daya Arji Mein 11 Saal Deri Ke Baavajood Hogi Bhullar Ko Faansi SC

Nai Delhi. . Supreme court ne devindar paal Singh bhullar ki us yaachika ko khaarij kar diya hai jismein faansi ki saja ko umr kaid mein tabdeel karne ki maang ki gayi thi. Gaurtalab hai ki bhullar ne raashtrapati dvaara daya yaachika 11 saalon tak peinding mein rakhane ko chunauti di thi. Usane kaha tha ki vah itne saalon tak maut ka intajaar karte-karte maanisk santulan kho baitha tha. Is faisale ke baad 17 aur logon ki faansi dene ka raasta saaf ho gaya hai. Bhullar par surakshit faisale ki vajah se hi 17 anya logon ki faansi par rok lagi thi. Dekhein: Ab inko bhi faansi par latakaane ka raasta saaf pichhle saal April mein Justice ji. S. Singhavi aur S. J. Mukhopaadhyaaya ki bench ne 3 yaachikaaon par sunavaai ki thi. Ismein ek yaachika khud bhullar ki thi doosari bhullar ki patni navanit Kaur aur teesari yaachika ek NGO 'Justice on trial trast' ki thi. Is sunavaai mein court ne senior vakeel ke. Ti. S. Tulasi jo ki bhullar aur usaki patni ki taraf se the aur Ram Jethmalani ke saath ti. Aar. Andhyaarujina ki daleelein sunane ke baad 19 April, 2012 ko faisala surakshit rakh liya tha. Supreme court ke is faisale se kai mujarimon par asar pad padega. Inmein poorv pradhaanamantri Rajiv Gandhi ki hatya ke jurm mein faansi ki saja paane vaale mujarim bhi shaamil hain. Ye sabhi chaahate hain ki daya yaachikaaon ke niptaare mein deri ke aadhaar par unki saja ko umrakaid mein tabdeel kiya jaae. Ek NGO ne sujhaav diya tha ki daya yaachika ke niptaare ke liye time fix kiya jaana chaahiye. Is par sarkaar javaab daakhil kar chuki hai. Congressi hi bacha rahe the bhullar ko: Bitta Supreme court ne 26 March 2002 ko bhullar ki appeal khaarij karte hue usaki maut ki saja barkaraar rakhi thi. Iske baad usaki review piteeshan aur fir 12 March, 2003 ko usaki kyooritiv piteeshan khaarij ki gayi thi. Iske baad usane raashtrapati ke saamane 14 January, 2003 ko daya yaachika daayar ki thi. Raashtrapati ne 8 saal baad 25 May, 2011 ko usaki daya yaachika khaarij kar di thi. Kya hai bhullar ka maamala devindar paal Singh bhullar ko yooth Congress prejideint M. S. Bitta par bam ataik karne mein aham bhoomika ke liye maut ki saja di gayi thi. Yah hamla bhullar ne 1993 mein kiya tha. Ismein 9 police vaale maare gaye the aur 25 log gambhir roop se ghaayal hue the. In 25 ghaayalon mein bhullar bhi tha. Bhullar ko maut ki saja milne ke baad raashtrapati ne daya yaachika 11 saalon tak peinding mein rakhi. Bhullar ne Supreme court mein is aadhaar par yaachika daayar ki thi vah 20 saalon tak kaid raha jo ki aajeevan kaaraavaas ki tarah hai. Saath hi usane court se kaha tha ki daya yaachika par 11 saalon se intajaar karte-karte vah poori tarah se maanasik santulan kho baitha hai. Bhullar ke kaaunsalar ne court mein daleel rakhi thi ki yah kitna amaanaveeya hai ki koi kaidi 11 saalon tak maut ka intajaar karta rahe. Vah har vakt khauf mein jindagi gujaraata hai ki na jaane kis pal use faansi par lataka diya jaae. Aise mein kya kisi kaidi ka maanasik santulan theek rahega? Bhullar ki daleel hai ki lambe samay tak kaal kothari mein maut ki saja intajaar karna kroorata hai aur yah mool adhikaar ka ullanghan hai.

Daya Arji Mein 11 Saal Deri Ke Baavajood Hogi Bhullar Ko Faansi SC https://www.angrejinews.com/pic/5340