David Warner Ke Toofaan Se Jeete Daredevils

Cricket » Sunday, April 28, 2013

Raipur. . Raipur mein khele gaye IPL ke mukaabale mein Delhi Daredevils ne Pune Warriors ko 15 run se hara diya. IPL ke chhathe season mein Delhi ki yah doosari jeet hai. Iske saath hi ank taalika mein sabse neeche rahi Delhi Pune Warriors se oopar aa gayi hai, jabki Pune ko is haar se sabse neeche pahunchana pada. Delhi Vs Pune: Skorakaard dekhein middle order mein ballebaaji ke liye utare David Warner ki toofaani paari ki madad se Delhi Daredevils ne IPL ke naye sthaan bane shaheed veer Narayan Singh antararaashtreeya stadium mein Pune warriors ke khilaaf pehle ballebaaji karte hue 20 overon mein paanch wicket par 164 run banaae the. 165 run ke lakshya ka peechha karne utari Pune ki shuruaat achhi rahi aur uske donon opener finch aur uthappa ne 33 gaindo mein 37 run ki paari kheli. Yuvraj ne 19, Luke right ne 19 auऱ Steve smith ne 17 run banaae, lekin team ko taaget tak pahunchaane mein naakaam rahe aur Pune ko Delhi ke haathon 15 run se shikast ka saamana karna pada. Kaun si team kahaan: IPL ka point table Warner ne 25 geindon par chaar chaukon aur itne hi chhakkon ki badaulat naabaad 51 run banaae. Unhonne kedaar jaadhav (19 geind par 25 run) ke saath paanchavein wicket ke liye 35 geind par 63 run jode. In donon ke alaava Virendra Sehwag ne 26 geind par 28 run ka yogadaan diya. Warriors ki taraf se ashok dinda ne 31 run dekar teen wicket liye. Toss ganvaane ke baad pehle ballebaaji ke liye utare Delhi ke ballebaajon ne pehle chaar over naye stadium ke naye wicket ko samajhne mein lagaae. Dinda paanchavaan over karne ke liye aae aur kaptaan maahela jayavardhane (17 geind par 12 run) ne unki pehli geind kavar ke oopar se maarane ke prayaas mein catch thama diya. Sehwag ne bhuvaneshvar Kumar aur Luke right par chhakke lagaae. Beech mein vah jhaansa dete hue bhi dikhaayi diye lekin dinda ne apne doosare spell mein unki paari ka ant kar diya. Sehwag ne leg ki taraf uchhaal leti geind par shot maarane ki asafal koshish ki, lekin vah unke glabs se lagkar wicket-keeper ke paas chali gayi. Haalaanki Warner ant tak crease par date rahe aur Delhi ke score ko 164 tak pahuncha diya.