Dava Companiyon Ke Dabaav Mein Sarkaar

Breaking »

Dava Companiyon Ke Dabaav Mein Sarkaar

suresh upaadhyaaya . Nai Delhi ek arase ki jaddojahad ke baad sarkaar enteebaayautiks ke galat istemaal par lagaam lagaane ki koshish karne ja rahi hai, magar aadhe-adhoore man se. Shaayad isi ka nateeja hai ki schedule H-1 mein vah kareeb 40 davaaon ko hi shaamil kar rahi hai, jabki jaroorat kaafi jyaada ki bataai jaati hai. Maana jaata hai ki dava companiyon aur dava kaarobaariyon ke dabaav mein usane schedule H-1 mein shaamil ki jaane waali davaaon ki list ko katarakar aadha kar diya hai. Schedule H-1 ko jald hi notifaai kiye jaane ke aasaar hain. Saal 2010 mein helth maigajeen laanset ne apni ek report mein Bhaarat mein ek nae suparabag ki maujoodagi ka daava kiya tha. Is daave ka sarkaar ke saath hi desh ki medical biraadari ne bhi bhaari virodh kiya tha lekin kuchh arasa baad hi Delhi ke ek naami aspataal ne jab apne yahaan ek nae suparabag ki maujoodagi ki baat kabooli to sarkaar baikafut par aa gayi. Jaanch karne par pata chala ki yah suparabag Delhi ke kuchh sarkaari aur gair sarkaari aspataalon mein bhi maujood tha. Tab sarkaar ki or se yah baat kahi gayi thi ki suparabags par lagaam lagaane ke liye enteebaayautiks ke galat istemaal par lagaam lagaani hogi. Iske baad sarkaar ne enteebaayautiks ke utpaadan, istemaal aur inke durupayog ki padtaal ke liye ek taask fors ka gathan kiya tha. Isne apni report mein sifaarish ki thi ki enteebaayautiks ke durupayog par rok lagaane ke liye inki khuli bikri par lagaam lagaani hogi. Taask fors ne is maamale mein ek naya drag schedule H-1 banaane ka sujhaav diya tha aur ismein kareeb 79 enteebaayautiks ko shaamil karne ki rai di thi. Taask fors ka kehna tha ki ye enteebaayautiks bina Doctor ki parchi ke naheen bechi jaani chaahiye aur parchi ki ek kaupi kemist ke paas rahani chaahiye. Dava lobby ne is sujhaav ka bhaari virodh kiya tha. Ab sarkaar is virodh ke baavajood schedule H-1 ko jald hi notifaai karne ki taiyaari kar rahi hai. Sootron ka kehna hai ki prastaavit shidyool mein jyaadaatar teesari aur chauthi peedhi ke enteebaayautiks ko hi shaamil kiya gaya hai. Unka kehna hai ki itne kam enteebaayautiks ko list mein shaamil karne se suparabags par lagaam lagaane ka khvaab poora naheen ho sakta. Sootr kehte hain ki sarkaar ne dabaav mein aakar aadhi-adhoori list taiyaar ki hai, kyonki bina Doctor ke davaaon ki bikri dava companiyon aur dava kaarobaariyon ko jyaada raas aati hai. Eksapart kameint 'Chhalaava hai yah'Nae schedule ke naam par sarkaar janta ko bevakoof bana rahi hai. Maujooda kaanoonon ke hisaab se bhi kisi bhi enteebaayautik dava ko Doctor ki parchi ke bina naheen becha ja sakta hai, lekin ho kya raha hai? Aap koi bhi dava bina parche ke khareed sakte hain aur fir is baat ki kya guaranty hai ki kemist ke paas parche ki kaupi hone ke baavajood davaaen pehle ki tarah naheen bikeingi. Ho sakta hai parche ki aad mein corruption ka ek aur raasta khul jaae. - Dr. Anil bansal, Delhi medical asosiyeshan ke poorv adhyaksh.

Dava Companiyon Ke Dabaav Mein Sarkaar https://www.angrejinews.com/pic/3827