Dashahat Macha Rakha Tha Teinduaa, Pakada Gaya

Breaking »

Dashahat Macha Rakha Tha Teinduaa, Pakada Gaya

IANS . Lucknow : UP ki rajdhani Lucknow ke baahari ilaake se somvaar ko van vibhaag ki team ne ek teindue ko pakada. Is teindue ne ravivaar se ilaake mein dahashat macha rakha tha. Lucknow ke raaneekheda gaanv mein ravivaar ko ek teinduaa dekhe jaane ke baad logon mein dahashat fail gayi thi. Sthaaneeya logon ki soochana par police aur van vibhaag ke adhikaari ravivaar ki shaam ilaake mein pahunche to teinduaa jhaadiyon mein ghus gaya. Andhera ho jaane ke kaaran van vibhaag ki team teindue ko pakadne ke liye talaashi abhiyaan naheen chala saki. Van vibhaag ki team ne somvaar ki subah fir se teinduaa ko pakadne ke liye abhiyaan chalaaya. Lagbhag 3 ghante ki mashakkat ke baad aakhirkaar van vibhaag ki team ne teindue ko chaaron taraf se gherakar pakad liya. Ganeemat rahi ki is dauraan teindue ne kisi ko koi nuksaan naheen pahunchaaya. Van vibhaag ke adhikaariyon ne bataaya ki pakada gaya teinduaa kareeb 4 se 5 saal ke beech ki umr ka hai aur Lakhimpur ya baharaaich ke jangalon se bhatakakar Lucknow ki taraf aa gaya tha. Use vaapas jungle bhejane ke liye kaarravaai ki ja rahi hai.

Dashahat Macha Rakha Tha Teinduaa, Pakada Gaya https://www.angrejinews.com/pic/6445