'Das Ki Daya Yaachika Thukaraana Tha Avaidh

Breaking »

'Das Ki Daya Yaachika Thukaraana Tha Avaidh

raajesh chaudhari . Nai Delhi Supreme court ne asam mein hatya ke gunahagaar emaen das ki faansi ko umrakaid mein tabdeel karte hue Supreme court ne kaha hai ki is maamale mein daya yaachika ko khaarij kiya jaana avaidh hai. Supreme court ne yah bhi kaha ki is maamale mein hom ministri ne raashtrapati pratibha Patil ko andhere mein rakha aur unase pehle raashtrapati rahe A. Pi. J. Abdul kalaam ki rai ke baare mein jaankaari naheen di gayi. Poorv raashtrapati kalaam ne kaha tha ki daya yaachika sveekaar ki ja sakti hai. Is maamale mein raashtrapati pratibha Patil ko hom ministri ne sahi tareeke se paraamarsh naheen diya. Supreme court ne apne faisale mein kaha ki in vajahon se faansi ki saja umrakaid mein tabdeel ki jaati hai. Supreme court ne is maamale mein daya yaachika khaarij kiye jaane ko avaidh karaar dete hue use radd kar diya. Gaurtalab hai ki das jab bail par tha tab usane 24 April, 1997 ko ek anya shakhs ki gardan kaat di thi. Is maamale mein use session court ne 1997 mein faansi ki saja sunaai jiske baad use 1998 mein haai court se aur fir 1999 mein Supreme court se faansi ki saja di gayi. Usane 1999 mein daya yaachika daakhil ki aur 12 saal tak daya yaachika peinding rahi jiske baad raashtrapati ne 2011 mein usaki daya yaachika khaarij kar di. Supreme court ne kaha ki is maamale mein daya yaachika daakhil karne aur use reject karne ke beech 12 saal ka gaip raha hai. Sarkaar ne itna vakt lagne ko lekar safaai pesh ki, lekin shuruaat ke 3 saal mein deri kyon lagi is baat ka koi spashteekaran naheen hai. Is maamale mein pehli baar September, 2004 mein hom ministri ne opiniyn diya ki daya yaachika reject honi chaahiye lekin file fir peinding rahi aur fir 30 September, 2005 ko tatkaaleen raashtrapati epeeje abdul kalaam ne kaha ki daya yaachika sveekaar ki ja sakti hai. Fir hom ministri ne 5 saal baad is maamale mein apni sifaarish raashtrapati pratibha Patil ke paas bheji. Lekin tab 18 October, 2010 ko hom ministri ke adhikaari ne jo noting ki, usamein poorv raashtrapati kalaam ke 30 September, 2005 ki us noting ka jikr naheen kiya gaya jismein daya yaachika sveekaar karne ki baat kahi gayi thi. Sarkaar is baat ka koi spashteekaran naheen day paai ki aakhir unki or se aisa kyon kiya ya.

'Das Ki Daya Yaachika Thukaraana Tha Avaidh https://www.angrejinews.com/pic/7472