Dalaai Laama Se 'Bina Shart Vaarta Kare Cheen America

Breaking »

Dalaai Laama Se 'Bina Shart Vaarta Kare Cheen  America

Dalaai laama ki file tasveer Dalaai laama ki file tasveer Washington: America ne cheen ko tibbati aadhyaatmik neta dalaai laama se 'Bina shart' vaarta karne aur un neetiyon ke samaadhaan ke liye kaha hai, jisse Tibet mein tanaav utpann hua. videsh vibhaag ki up pravakta mairi harf ne shukravaar ko samvaadadaataaon se kaha, jaisa ki ham kehte rahe hain cheen ke tibbati kshetr mein badatar maanavaadhikaar sthiti ko lekar ham kaafi chintit hain. harf ne kaha, ham fir se cheen sarkaar se dalaai laama ya unke pratinidhi se bina kisi poorv shart ke vaarta karne ka anurodh karte hain, jisse ki tanaav ghate. Nishchit taur par cheen se un neetiyon ke samaadhaan ka aagrah karte hain jisse ki tibbati kshetr mein tanaav utpann hua aur anoothi tibbati sanskruti ko khatra hua. 2002 ki tibbati neeti ke aadhaar par America lhaasa mein ek vaanijya dootaavaas kholne ke liye lagaataar prayaas kar raha hai. Unhonne kaha ki yeh aagrah bhi doharaaya ja raha hai ki cheen sarkaar cheen ke Tibet aur jaateeya mool ke tibbati kshetri mein vaanijya doot ko jaane ki anumati de.

Dalaai Laama Se 'Bina Shart Vaarta Kare Cheen America https://www.angrejinews.com/pic/53098