Dalaai Laama Par Khabar Ko Lekar Teen Nepaali Patrakaaron Ki Jaanch

World »

Dalaai Laama Par Khabar Ko Lekar Teen Nepaali Patrakaaron Ki Jaanch

Kaathamaandoo, 14 May (eefapi) dalaai laama se judi ek khabar prasaarit karne ko lekar teen nepaali patrakaaron ki jaanch ki ja rahi hai. Adhikaariyon ne mangalvaar ko yeh jaankaari di. Ise is himaalayi raashtra mein cheen ke badhte prabhaav ke sanket ke taur par dekha ja raha hai. Nepal ki samaachaar agency raashtreeya samaachaar samiti (RSS) ke liye kaam karne vaale patrakaaron se April mein dalaai laama ko aspataal se chhutti diye jaane aur April mein unke dharmashaala lautane se sambandhit khabar ka anuvaad karne ko lekar agency se spashteekaran maanga gaya hai. cheeni raashtrapati shi chinfing ke nimantran par Nepal ki raashtrapati bidya devi bhandaari ke cheen daure ke samay anuvaad ka yeh prasaaran ho raha hai. RSS ke adhyaksh hari adhikaari ne kaha ki ek samiti ka gathan kiya gaya hai aur usaki report aane ke baad prabandhan yeh dekhega ki teenon ke khilaaf koi kaarravaai karni hai ya naheen. adhikaari ne kaha, “araashtreeya samaachaar agency ke taur par ham un khabaron ko jaari naheen karte jo hamaare desh ki videsh neeti ke khilaaf ho aur padosiyon ke saath hamaare rishton ko prabhaavit karti ho. ” Nepal mein kareeb 20 hajaar tibbati rahate hain aur nirvaasan ko lekar us par cheen ka bhaari dabaav hai jo baar-baar kehta hai ki vah ek cheen neeti ke liye pratibaddh hai.

Dalaai Laama Par Khabar Ko Lekar Teen Nepaali Patrakaaron Ki Jaanch https://www.angrejinews.com/pic/274606