Dalaai Laama Ke Nirvaasan Ke Hue 60 Saal, Tibet Ki Aajaadi Ki Ladaai Hui Kamjor : Vishleshak

World »

Dalaai Laama Ke Nirvaasan Ke Hue 60 Saal, Tibet Ki Aajaadi Ki Ladaai Hui Kamjor : Vishleshak

Hongkong, 15 March (bhaasha) vishleshakon ka maanana hai ki dalaai laama ke sthaai roop se Bhaarat mein nirvaasan shuroo karne ke 60 saal baad Tibet ki aajaadi ka uddeshya prabhaavaheen ho gaya dikhta hai. dalaai laama ko Tibet ke liye kaam karne ke liye Nobel puraskaar se navaaja ja chuka hai aur antararaashtreeya star par unhein prasiddhi mili. London mein school of oriyantal end afreekan stadeej (esaoees) mein tibbati adhyayan ke sanyojak Nathan hil ne kaha ki Tibet ke bheetar cheen ne apne sakht shaasan ke kisi bhi sangathit virodh ko prabhaavi tareeke se kamjor kar diya hai. Vaheen Tibet ke baahar bhi vishv ke kai netaaon ka samarthan pichhle kuchh saalon mein lagbhag maun ho gaya hai jabki ek samay in sarkaaron ne Tibet ke uddeshya ko purajor samarthan diya hai. hil ne kaha, ''Tibet ka bhaagya cheen ke haath mein hai. Kshetr ke baahar rahane vaale tibbatiyon ka Tibet ki kismat se jyaada kuchh lenaadena naheen hai aur ismein dalaai laama bhi shaamil hain. '' bauddh neta dalaai laama ne 2007 mein kaha tha ki unka kshetr 2000 saal mein sabse jyaada buri sthiti se gujar raha hai.

Dalaai Laama Ke Nirvaasan Ke Hue 60 Saal, Tibet Ki Aajaadi Ki Ladaai Hui Kamjor : Vishleshak https://www.angrejinews.com/pic/261408