Dahej Prataadna Maamale Mein Orissa Ke Poorv Mantri Giraftaar

Breaking » Saturday, March 30, 2013

Bhuvaneshvar. . Dahej prataadna ke maamale mein Orissa ke poorv mantri raghunaath mohanti aur unki patni ko shanivaar ko pashchim Bengal se giraftaar kar liya gaya. Police ne iski jaankaari di hai. Uchch padasth police sootron ne bataaya ki mohanti aur unki patni preetilta mohanti ko Orissa police ke maanavaadhikaar sanrakshan prakoshth (echaaarapeesi) ke dal ne pashchim Bengal ke haavada jile se giraftaar kiya. Unhonne bataaya ki echaaarapeesi ke kaarravaai dal ko pashchim Bengal bheja gaya aur dal ne haavada jile ke shaaleemaar ilaake se mohanti danpati ko pakad liya. Is maamale mein aur byaure ka intajaar kiya ja raha hai. Yah giraftaari mohanti ki putravadhu varsha svoni chaudhari dvaara 14 March ko baaleshvar shahar mein darj karaai gayi FIR ke ek pakhavaade baad saamane I hai jismein usane apne sasur aur tatkaaleen kaanoon evam shahari vikaas mantri mohanti, apne pati raaja shri tatha parivaar ke 4 sadasyon par dahej ke liye shareerik evam maanasik roop se prataadit karne ka aarop lagaaya hai.