Dahej Par Paabandi, Na Bantegi Sharaab, Na Bajega Band Baaja

India »

Dahej Par Paabandi, Na Bantegi Sharaab, Na Bajega Band Baaja

ek samvaadadaata . Bulandashahar Secundarabad thaana sthit gaanv peelakhanavaali mein shukravaar ko yaadavon ke 18 gaanvon ki khaap panchaayat ne dahej pratha aur shaadi mein fijoolakharchi par paabandi lagaane ka faisala liya. Panchaayat ki adhyakshata yaduvansh jan utthaan samiti ke adhyaksh bheem Singh Yadav ne ki. Logon ko kiya jaaega jaagruk bheem Singh ne bataaya ki Ghaziabad ke gaanv shaahapur bamheta mein ek committee ka gathan kiya gaya hai, jiska uddeshya Yadav samaaj mein faili kureetiyon ko door karna hai. Unhonne kaha ki log shaadi mein dahej, band baaja, aatishbaaji aadi mad mein betahaasha paisa kharch karte hain, jise roka jaana chaahiye. Ise lekar samast Yadav samaaj ko jaagruk kiya jaaega. Baraat ki sankhya bhi hui tay peelakhanavaali gaanv mein hui panchaayat mein nirnaya liya gaya ki shaadi din ke samay honi chaahiye. Baraat mein kam se kam 51 aadmi aur jyaada se jyaada 100 logon ko hi shaamil hone ki salaah di gayi. Barauthi par ek rupaya, ladke ke liye ek anguthi aur ek jodi kapade diye jaane chaahiye. Na jayamaala, na lahanga chunni shaadi mein jayamaala jaise dikhaave ke kaaryakram par rok lagaane ka farmaan sunaate hue bheem Singh Yadav ne kaha ki dulhan bhi lahanga-chunni naheen pahanegi. Shaadi mein ladka paksh feron par ladki ke liye 5 jodi kapde chadhaaega, vaheen ladki paksh ko bhi vidaai par 5 jodi kapde dene honge. Dahej mein gaadi ki gunjaaish naheen unhonne panchaayat mein kaha ki bhaat mein ek rupaye se lekar 51 sau rupaye diye ja sakte hain, vaheen ismein 11 aadmi shaamil honge. Shaadi mein vaahan lena-dena samaapt kiya jaana chaahiye aur kanyaadaan mein 101 rupaye se jyaada na diye jaaen. Shaadi ke dauraan kisi bhi rishtedaar ko 10 rupaye se jyaada bheint na di jaae. Shaadi mein baraatiyon par sharaab peene ki poori tarah se paabandi lagaai jaani chaahiye aur khaana saadhaaran hona chaahiye. Panchaayat mein 18 gaanv hue shaamil yaduvansh jan utthaan samiti ki panchaayat mein Ghaziabad jile ke gaanv shaahapur bamheta, bahalolapur, sorakhaan ke alaava Aligadh aur bulandashahar ke kareeb 18 gaanv shaamil hue. Is dauraan yaadavon ne biraadari ki khaap panchaayat karke dahej pratha par poori tarah se paabandi lagaane ka farmaan jaari kiya. Panchaayat mein shaamil dharmaveer Yadav ne bataaya ki isi maheene ke aakhiri saptaah mein Ghaziabad ke gaanv shaahapur bamheta mein mahaapanchaayat ka aayojan kiya jaaega.

Dahej Par Paabandi, Na Bantegi Sharaab, Na Bajega Band Baaja https://www.angrejinews.com/pic/5413