Daayari Shiksha Ke Masale Par Smruti Irani Ko Hi Kyon Ghera Ja Raha Hai. . .

Breaking »

Daayari  Shiksha Ke Masale Par Smruti Irani Ko Hi Kyon Ghera Ja Raha Hai. . .

File photo File photo Nai Delhi: kai logon ke liye yeh hairaani ka vishay tha, jab smruti Irani ko cabinet mantri banaaya gaya. Jabase Narendra Modi pradhaanamantri bane hain aur BJP satta mein I hai, tabhi se kai virodhaabhaas dekhne ko mil rahe hain, lekin is samay smruti Irani ki shiksha social media par logon ke liye bahas ka mudda bani hui hai. Virodh karne vaale aur paksh mein kehne vaale donon hi apni baaton mein kutarkon ka sahaara le rahe hain. kya yeh tark paryaapt hai ki kuchh mahaan log padhe-likhe naheen the, lekin unhonne mahaan kaarya kiye? Aur agar unhonne mahaan kaarya kiye, to iseeliye bhale hi aap padhe-likhe naheen hain, to bhi chalega. Saare saaksharata abhiyaan khatm kar deejiye, is tark par. Is hisaab se aap apni shiksha sambandhit halafnaama kaheen bhi jama naheen karavaaie, iski zaroorat kya hai, college mein edamishn lene ke liye bhi? Lekin aisa isliye kiya jaata hai, kyonki yeh ek filtar ki tarah kaam karta hai. Hindustan ki shiksha paddhati ki khaami hi yahi hai ki aap kisi ke bauddhik star ko, usaki samajh ko, usaki degree se, uske nanbaron se naheen aank sakte. Dekhte hain, smruti Irani is paddhatti mein kya antar la paaengi. smruti Irani ko janta ne kabhi saansad banane laayak naheen samjha, lekin pradhaanamantri ne unhein poore Bhaarat ke maanav sansaadhan mantri ke taur par chuna hai. Lekin mujhe kaheen bhi lokatantr ka, bahumat ke faisale ka havaala dene vaale logon ki aavaajein naheen sunaai de raheen. Yeh mujhe mere mitr nitin ki kahi hui baat yaad dila raha hai ki yeh lokatantr naheen, lokatantranuma system hai, kyonki humne Manmohan Singh ko naheen chuna tha, unhein soniya Gandhi ne chuna tha. Humne soniya Gandhi ko bhi Congress ki adhyaksh ke roop mein naheen chuna tha, jo sarkaar ke faisalon par muhar lagaati raheen. Yahi silsila jaari hai, badli hui sarkaar mein bhi. smruti Irani ko hi kyon ghera ja raha hai shiksha ke masale par. Kya Bhaarat ki raajaneeti mein aise udaaharan aur naheen hain? Kitne hi saansad hain, jinhe janta ne chuna hai, unki shiksha aur yahaan tak ki tameej ka star dekhe bina. Kya iska kaaran yeh hai ki vah mahila hain? Ho sakta hai isliye, kyonki unki prushthabhoomi ek model ki hai, aur iseeliye seedhe taur par mahila virodhi bayaan se bachakar yeh rukh apnaaya gaya hai. Ateet mein Congress ke neta sanjaya niroopam ek chainel dibet ke dauraan smruti Irani ki prushthabhoomi ko lekar chhichhli tippani kar chuke hain. BJP neta subramanyam svaami bhi Congress adhyaksh soniya Gandhi par unki degree ko lekar savaal khade karte rahe hain. Yahaan tak ki unki prushthabhoomi aur vah kya kaam karti theen, is masale ko bhi vakt-bevakt uchhaala jaata raha hai. lekin kya yeh logon ke tarkon ka hi masala hai? Edeeaar sanstha ki website par Loksabha chunaav 2004 ke data ko aap khangaaleinge to paaenge ki smruti Irani graduate hain. Unhonne yahi halafnaama diya hai. Lekin varsh 2014 ke chunaav ke halafanaame ke anusaar smruti Irani graduate naheen hain. Baichalar of Commerce part-1 unhonne padha hai, jo koi degree naheen hai aur ise vahaan likhe jaane ki bhi zaroorat naheen thi. Kya yeh farjeevaada naheen hai? Kya mantri ke paulisi chunaav ko aap is baat ka sanjnyaaan lekar naheen dekheinge? ek samay tha, jab smruti Irani dharane par baithi theen aur Modi ji ka isteefa maang rahi theen, lekin baad mein party dabaav ke kaaran uth gain. Tab tak court ka koi faisala naheen aaya tha. Jitna footage chaahiye tha, vah le liya tha, lekin fir raajanitik bhavishya bachaae rakhane ke liye palati maar di thi. Aaj ke samay mein ise 'Drama' kaha jaata hai, tab ise 'Dharana' kaha jaata tha. Raajanitik bhavishya ke liye, party ke dabaav mein aane vaale mantri ke paulisi chunaav ko aap is baat ka sanjnyaaan lekar naheen dekheinge? middle class is mudde ko uchhaalata raha hai ki nirkshar log, kam padhe-likhe log kyon hamaare desh ko chala rahe hain. Mujhe janta ki soch par ab zyaada bharosa raha naheen, kyonki agar Modi ji sachin Tendulkar ko mantri bana dete to unki shiksha ke baare mein naheen poochha jaata. Kis mantraalaya ke laayak hain ya naheen, yeh bhi naheen poochha jaata. Najariye ko achhe aur bure ki shreni mein mat baantiye, kyonki najriya sirf achha ya bura naheen hota, yeh kisi ke liye achha, aur kisi ke liye bura hota hai. Yeh to aap dekh hi rahe honge.

Daayari Shiksha Ke Masale Par Smruti Irani Ko Hi Kyon Ghera Ja Raha Hai. . . https://www.angrejinews.com/pic/52050