Daagiyon Ka Kat Sakta Hai Tikt

India »

Daagiyon Ka Kat Sakta Hai Tikt

- Ambika soni committee ki sifaarish - daagi logon ko tikt naheen dene ki yojana - kaale dhan par rok ki bhi vakaalat manjari chaturvedi. Nai Delhi agar Congress ne senior party leedar Ambika soni committee ki sifaarishon par gaur kiya, to ho sakta hai ki Delhi, madhya pradesh aur Rajasthan sahit aagaami paanch raajyon ke vidhaanasabha chunaavon mein daagi ummeedavaaron ko party tikt na mile. Daraasal, Congress dvaara chunaav sudhaar ko lekar gathit ki gayi committee ki sifaarishein hain hi kuchh aisi. Khaas baat yah hai ki yah committee chunaavon mein kaale dhan ke istemaal par rok lagaane ka mudda uthaane ja rahi hai. Sootron ke mutaabik, committee bajat session ke agale charan tak apni report party adhyaksh ko saunp sakti hai. Uske baad Congress is report ki sifaarishein vidhi mantraalaya ko bhejegi. Gaurtalab hai ki takareeban do maheene pehle Congress adhyaksh soniya Gandhi ne party ki senior neta soni ki adhyakshata mein yah committee gathit ki thi, jiska kaam chunaav sudhaar ko lekar apne sifaarishein dena tha. Soni ke alaava, is committee mein keindreeya mantri veerappa moili, Congress ke senior neta manishankar ayyar, mohan gopaal va iemaes nachiyppan jaise log shaamil hain. Ab tak is committee ki paanch se chhah meeting ho chuki hain. Sootron ke mutaabik, committee jin do mukhya muddon par jor dene ja rahi hai, usamein pehla hai ki aparaadhi ya daagi logon ko chunaav ladne se rokana. Committee ka maanana hai ki aaropi logon ko Congress ki or se tikt na diya jaae. Is tarah behtar va imaandaar ummeedavaar chunakar saamane aa sakeinge. Maana ja raha hai ki aagaami vidhaanasabha chunaavon mein party ummeedavaaron ke chayan mein is maanadand ko apna sakti hai. Kaangrees ko lagta hai ki aisa karke vah raajaneeti mein doosare dalon ke liye ek najeer pesh kar sakti hai. Doosra, committee ko lagta hai ki chunaav mein sudhaar laane ke liye kaale dhan ke istemaal par rok lagana jaroori hai. Committee ka maanana hai ki chunaavon mein kaale dhan ke istemaal se na sirf bhrashtaachaar badhta hai, balki isse raajaneeti bhi dooshit hoti hai. Committee ne apna kaam shuroo karte hi party ke sabhi frantal sangathanon se chunaav sudhaar ko lekar unke sujhaav maange the. Udhar , chunaav aayog bhi aane vaale dinon mein chunaav sudhaar ko lekar ek sarvadaleeya baithak ke aayojan ki yojana bana raha hai. Haalaanki abhi iski taareekh tay naheen hui hai. Yah baithak kaafi pehle hi honi thi , lekin kisi kaaranavash do baar tay hone ke baad iska aayojan tal gaya. Aise mein is samiti ki sifaarishon ko ahamiyt mil sakti hai

Daagiyon Ka Kat Sakta Hai Tikt https://www.angrejinews.com/pic/3311