Daagi Cricketeron Ke Khilaaf Kaarravaai Par Charcha Karega Board

Cricket »

Daagi Cricketeron Ke Khilaaf Kaarravaai Par Charcha Karega Board

Chennai. . IPL ke sanasaneekhej spot fixing maamale mein BCCI kaaryakaarini ki ravivaar ko aapaat baithak hogi. Ismein is vivaad ke kaaran paida hui sthiti aur giraftaar kiye gaye teenon cricketeron ke khilaaf bhavishya mein ki jaane waali kaarravaai par charcha ki jaaegi. BCCI par kada faisala karne ka dabaav hai kyonki dhanaadhya IPL mein spot fixing se juda yah doosra masala hai. Sanket mil rahe hain ki apni bhrashtaachaar nirodhak ikaai ki shuruaati report ke baad vah khilaadiyon par aajeevan pratibandh lagaane par vichaar kar sakta hai. Board ki bhrashtaachaar nirodhak ikaai ke pramukh ravi saavani ke bhi baithak mein upasthit rahane ki sambhaavana hai. Vah is masale par sadasyon ko jaankaari deinge, jiske kaaran league ki saakh khatre mein pad gayi hai. 2008 mein IPL ke shuroo hone ke baad se lagaataar vivaadon mein ghire rahane ke kaaran kaaryakaarini iski saakh banaae rakhane ke liye lambi baatcheet kar sakti hai. BCCI adhyaksh N shreenivaasan aur IPL Chairman Rajiv shukla doshiyon ke khilaaf kadi kaarravaai ka vaada kar chuke hain. Abhi jaanch report ka intajaar hai, lekin yah dekhna hoga ki kya khilaadiyon ko turant hi koi saja di jaati hai ya naheen. Savaani ko apni report dene ke liye 30 din ka samay diya gaya hai, lekin board ke kuchh sadasya itna lamba intajaar karne ke liye taiyaar naheen hain aur ve jald hi kada sandesh dene ke liye dabaav bana rahe hain.

Daagi Cricketeron Ke Khilaaf Kaarravaai Par Charcha Karega Board https://www.angrejinews.com/pic/8966