Daabada Gang-rape Ke Chaar Doshiyon Ko Umrakaid

India »

Daabada Gang-rape Ke Chaar Doshiyon Ko Umrakaid

enabeeti news . Hisaar Haryana ke bahucharchit daabada gang-rape ke maamale mein special court ne chaar doshiyon pavan, vikaas urf daakoo, balajeet urf seetoo, Rajkumar urf raajoo ko umrakaid ki saja sunaai hai. Special court ne chaaron doshiyon ko dhaara 376-ji ke tahat umrakaid, 20-20 hajaar rupaye jurmaana, apaharan ke aarop mein dhaara 363 ke tahat saat-saat saal kaid, 5-5 hajaar rupaye jurmaana va dhaara 506 ke tahat ek-ek saal kaid va 2-2 hajaar rupaye jurmaane ki saja sunaai. Ye sabhi sajaaen saath-saath chaleingi. Doshiyon par kul 1 lakh 8 hajaar rupaye ka jurmaana kiya gaya hai, jismein se ek lakh rupaye ki rakam peedit ladki ko milegi. Peedit aur peedit ki maan ne is saja ko kam bataate hue kaha ki doshiyon ne jo crime kiya hai uske liye in aparaadhiyon ko faansi ki saja di jaani chaahiye thi. Peedit ladki ke vakeel laal bahaadur khovaal ne kaha ki chaaron doshiyon ko umrakaid ki saja sunaae jaane ka yah faisala bada achha hai. Jis tarah se desh mein rape ke case badhte ja rahe hain, aise mein doshiyon ko is tarah ki adhik se adhik saja diya jaana aparaadhiyon mein khauf ka sandesh paida karega. Khovaal ne bataaya ki jin chaar anya aaropiyon ko gang-rape se bari kiya gaya hai, unke khilaaf High Court mein yaachika daakhil ki jaaegi. Gang-rape ke aaropon se bari kiye gaye chaar yuvako daabada ke Mahendra, Kuldeep, anil Kumar aur mangaali ke suneel ko bhi abhi jail mein hi rahana hoga, kyonki abhi gang-rape mein saja paae chaar aaropiyon pavan, vikaas urf daakoo, balajeet urf seetoo, Rajkumar urf raajoo ke alaava in chaar aaropiyon ke khilaaf peedit ladki ke pita ko aatmahatya ke liye majaboor karne ka mukadama adaalat mein chal raha hai. Maamale ki agali sunavaai 9 May ko honi hai.

Daabada Gang-rape Ke Chaar Doshiyon Ko Umrakaid https://www.angrejinews.com/pic/7713