DSP Mardar CBI Ne Raaja Bhaiya Ke Chachere Bhaai Se Poochhataachh Ki

Breaking »

DSP Mardar CBI Ne Raaja Bhaiya Ke Chachere Bhaai Se Poochhataachh Ki

Prataapagadh. . CBI ne uttar pradesh ke poorv mantri raghuraaj prataap Singh ke chachere bhaai aur vidhaan parishad ke sadasya Akshay prataap Singh se shanivaar ko poochhataachh ki. Baleepur gaanv mein hinsa ke silsile mein unase poochhataachh ki gayi jismein DSP jiya ul hak maare gaye the. CBI ke sootron ne kaha ki ghatna ke din Singh kahaan the, is baare mein unase vistaar se poochhataachh ki gayi. Hinsa mein gram pradhaan nanhe Yadav, unke bhaai suresh aur hak ki kathit roop se hatya kar di gayi thi. Do March ko ek bhoomi vivaad ko lekar yah hinsa bhadki thi. Unhonne kaha ki agency in hatyaaon ke silsile mein unke chachere bhaai aur nirdaleeya vidhaayak raghuraaj prataap Singh urf raaja bhaiya se bhi poochhataachh kar sakti hai, kyonki kuchh sandigdh prabhaavashaali neta ke jaankaar ho sakte hain. CBI ne do March ko baleepur gaanv mein hui hinsa ke silsile mein chaar maamale darj kiye hain aur hak ki patni ki shikaayat par raaja bhaiya ke khilaaf bhi maamala darj kiya hai.

DSP Mardar CBI Ne Raaja Bhaiya Ke Chachere Bhaai Se Poochhataachh Ki https://www.angrejinews.com/pic/3888