DSP Mardar CBI Ko Mili Khoon Ke Dhabbon Waali Laathi

Breaking » Tuesday, March 26, 2013

Nai Delhi. . Keindreeya jaanch bureau (CBI) ne daava kiya hai ki DSP jiya-ul-hak hatya maamale ki jaanch ke dauraan use uttar pradesh ke prataapagadh jile mein vibhinn jagahon se khoon ke dhabbon waali ek laathi aur ek gola baarood vaala belt mila hai jismein chhah goliyaan theen. Aadhikaarik sootron ne bataaya ki khoon ke dhabbon vaala yah belt suresh Yadav ke ghar mein chhipaae ek bakse se baraamad kiya gaya. Suresh ki bhi uske bhaai evam gaanv ke mukhiya nanhe Yadav ke saath goli maarkar hatya kar di gayi thi. Unhonne bataaya ki laathi gaanv ke ek anya ilaake se mili hai. Laathi ki jaankaari sthaaneeya police adhikaariyon se CBI ki poochhataachh ke dauraan mili. Agency ke nideshak Ranjit Singh ne uttar pradesh ke adhikaariyon se is gaanv mein suraksha badhaane ko kaha hai, kyonki yahaan log apni jaan ke dar se jaanch mein sahayog naheen kar rahe hain. CBI ne hak aur Yadav bandhuon ki hatya ki jaanch ke silsile mein chaar maamale darj kiye hain. Sootron ne bataaya ki CBI ne laathi aur belt ko forensic jaanch ke liye bhej diya hai. Unhonne bataaya ki agency ke adhikaari is maamale mein prataapagadh ke mukhya chikitseeya adhikaari se bhi mil chuke hain aur unhonne postmortem karne vaale chikitsakon se bhi poochhataachh ki hai. Gaurtalab hai ki balipur gaanv mein do March ko hui in hatyaaon ke maamale ke sandigdhon mein poorv mantri raghuraaj prataap Singh urf raaja bhaiya bhi shaamil hain. Is maamale mein apna naam aane ke baad hi unhein Akhilesh Yadav ki sarkaar se isteefa dena pada