DMK Pramukh Ke Bete Staalin Ne Isteefe Ka Prastaav Vaapas Liya

Breaking »

DMK Pramukh Ke Bete Staalin Ne Isteefe Ka Prastaav Vaapas Liya

File photo File photo Chennai: DMK adhyaksh M Karunanidhi aur anya varishth netaaon ne aaj party koshaadhyaksh MK staalin ko party ke padon se isteefa dene ke faisale par punarvichaar karne ke liye mana liya. Haalaanki staalin ke bhaai evam party se nishkaasit neta MK alaagiri ne is poori kavaayad ko ek nautanki karaar diya hai. varishth party neta durai murugan ne kaha ki Karunanidhi ne unhein aisa kadam naheen uthaane ki salaah di aur doosare netaaon ne bhi unase aisa dukhad faisala naheen karne ka aagrah kiya. Un sabhi ne kaha ki ve unke saath hain. Unhonne kaha, 'Is vajah se, unhonne hamaara anurodh aur neta ki salaah bhi maan li aur apna isteefa vaapas le liya. ' gaurtalab hai ki staalin ne isse pehle din mein yeh kehte hue party ke sabhi padon se isteefa de diya tha ki vah Loksabha chunaav mein party ki karaari haar ki poori naitik jimmedaari lete hain. DMK ko Tamil Nadu mein Loksabha ki ek bhi seat par jeet naheen mili. party se nikaale gaye staalin ke bhaai alaagiri ne kaha, 'Yeh sab drama hai. Vah tyaagapatr dene ka bahaana kareinge. Koi unhein rokega. Tab DMK adhyaksh kaheinge ki vah isteefa sveekaar naheen kareinge. Dekhiye aur intajaar keejiye ki kab tak yeh drama chalta hai. '

DMK Pramukh Ke Bete Staalin Ne Isteefe Ka Prastaav Vaapas Liya https://www.angrejinews.com/pic/50914