DJ Par Khaapon Ki Paabandi, Lagega Jurmaana

India »

DJ Par Khaapon Ki Paabandi, Lagega Jurmaana

enabeeti news . Hisaar khaapon ke nishaane par ab DJ aa gaya hai. Panchaayatein DJ par paabandi lagaane ke farmaan jaari kar rahi hain. Iske tahat ek chetaavani jaari ki gayi hai, jismein kaha gaya hai ki ise na maanane vaalon par mota jurmaana kiya jaaega. Jile ke gaanv kharak pooniyaan sahit 14 gaanvon ki panchaayat mein nirnaya liya gaya hai ki in gaanvon mein na to DJ bajega aur na hi kisi traiktar aur anya gaadiyon par gaane bajate sunaai deinge. Balli sarasaana ne bataaya ki panchaayat mein nirnaya liya gaya hai ki gaanv jnyaaanapura, sarasaana, kharak pooniya, byaana kheda, sarehada, mataloda, Udaipur, chhaan, panihaari, bhaada kheda, sautha, sandalaana, banabhauri, kaapado mein agar koi DJ bajaane par paabandi ko najar andaaj karta hai to uske khilaaf kaarravaai ki jaaegi. Ameer Singh ne kaha ki gaanv mein DJ ki vajah se kai baar vivaad ki sthiti paida ho jaati hai. Iske alaava kai baar galiyon mein se gujarte traiktar ityaadi par tej saaund ki vajah se bhi graameenon ko pareshaani hoti hai. Panchaayat mein maujood logon ne din pratidin badhte lingaanupaat par chinta jaahir karte hue kaha ki agar kanya bhroon hatya ki samasya par sheegra vichaar naheen kiya gaya to vah din door naheen jab samaaj mein keval crime bachega. Aise mein abhi se sachet hone ki aavashyakta hai. Is par sabhi ne sahamati jataai. Baas gaanv ki panchaayat ne bhi DJ par pratibandh laga diya hai. Gaanv mein hui panchaayat mein sarvasammati se is par faisala liya gaya. Logon ne SP sateesh Balan se mulaakaat ki. Unhonne maang ki ki gaanv mein DJ bajaane par turant pratibandh lagaaya jaae. Unhonne bataaya ki DJ ki vajah se gaanv ka maahaul kharaab ho raha hai. Satarol khaap mein shaamil kareeb 42 gaanvon mein kisi vivaah samaaroh mein DJ bajaane par khaap panchaayat pehle hi gat December maheene mein hi paabandi laga chuki hai. Kisi samaaroh ke dauraan DJ bajaane par 5100 rupaye jurmaana lagaaya jaaega. Panchaayat ke faisale ke khilaaf aisa karne vaale vyakti ka bahishkaar bhi kiya jaaega.

DJ Par Khaapon Ki Paabandi, Lagega Jurmaana https://www.angrejinews.com/pic/5138