DGCA Ko Dhata-bata Jet Bharti Karegi 100 Videshi Pilot

Business »

DGCA Ko Dhata-bata Jet Bharti Karegi 100 Videshi Pilot

Mumbai. . Niji kshetr ki vimaanan company jet Airways apne bade aakaar ke Boeing vimaanon ke liye 100 videshi piloton ki niyukti ki yojana bana rahi hai. Haalaanki, naagrik uddayan mahaanideshaalaya (DGCA) ne videshi piloton ko hataane ke liye December, 2013 ki samayaseema tay ki hui hai. Videshi piloton ki niyukti ke liye jet ne kai niyukti agencyon se sampark kiya hai. Maamale se jude sootron ne kaha, 'Jet ki 100 videshi pilot niyukt karne ki yojana hai. Company ko apne bade aakaar ke Boeing 777 vimaanon ke liye in piloton ki jaroorat hai. ' haalaanki, airline ne is mudde par kuchh naheen kaha hai. Sootron ne bataaya ki jet videshi piloton ki niyukti aise samay karne ja rahi hai, jabki DGCA ne 9 maah mein sabhi videshi piloton ko hataane ki samayaseema tay ki hui hai. Airline ne pichhle saal November mein kaha tha ki vah is vitt varsh ke ant tak videshi piloton ki sankhya aadhi karegi.

DGCA Ko Dhata-bata Jet Bharti Karegi 100 Videshi Pilot https://www.angrejinews.com/pic/3787