Cyber Hamle Ka Asar E-Commerce Par
Business » Friday, March 29, 2013
Nai Delhi. . Poori duniya mein Internet ki raftaar dheeme hone ka asar shukravaar ko bhi dekha gaya. Bhaarat mein haalaanki saamaanya kaamkaaj par asar to naheen huaa lekin E-Commerce ka kaam jaroor prabhaavit huaa hai. E-banking ke maadhyam se len-den bhi dheemi ho gayi hai. IT ministar Kapil sibbl ne kaha ki cyber hamle ka asar Bhaarat mein apekshaakrut kam huaa aur dakshin Bhaarat ke kuchh ilaakon ko chhodkar iska asar kam dekha gaya hai. Unhonne kaha ki agale ek din mein haalaat poori tarah theek ho jaaenge. Vaheen cyber eksapart pavan duggal ke anusaar aaj tak ke sabse bade cyber hamle ka asar kaafi pada hai. Unhonne kaha ki khaaskar E-baiking ka kaam buri tarah prabhaavit huaa hai. Unhonne salaah di ki jab tak haalaat poori tarah se saamaanya naheen ho jaate hain tab tak Internet banking se lenaden saavadhaani poorvak karein. Unke anusaar jis paimaane ka hamla hai usase ubarane mein ek hafte lag jaaenge. Maaloom ho ki web par spaim ki nigraani karne vaale ek Europeeya samooh par hue ab tak ke sabse bade cyber hamle ki vajah se poori duniya mein Internet ki speed kam ho gayi hai. Yah cyber hamla ban spaim ki soochi banaane waali jineeva sthit company 'Spaimahaaus' par kiya gaya tha.