Court Par Nirbhar Karegi Kaanoon Mantri Ki Kismat

India »

Court Par Nirbhar Karegi Kaanoon Mantri Ki Kismat

vishesh samvaadadaata . . Nai Delhi kaanoon mantri ashvini Kumar ke bachaav mein bhale hi pradhaanamantri se lekar sarkaar aur Congress party tak lagaataar daleelein day rahe hon, lekin party aur Congress donon jaante hain ki kaanoon mantri ki kismat ka faisala aagaami 30 April ki taareekh par tika hai. Is din Supreme court koyala maamale mein sunavaai karega aur uske rukh par hi Kumar ka rahana ya jaana nirbhar rahega. Aise mein sarkaar aur party donon hi is maamale mein vet aind vauch ki neeti apna rahe hain. Kaaryashaili ki aalochna oopari taur par bhale hi party aur sarkaar apne mantri ke saath khade dikh rahe hon, lekin bheetari taur kaanoon mantri kaafi had tak haashiye par akele khade najar aa rahe hain. Sootron ke mutaabik, Kumar ki kaarya shaili aur rukh ke chalte unke tamaam virodhi khade ho gaye hain. Party se lekar sarkaar va prashaasan tak mein unki kaaryashaili ki dabe suron mein aalochna hoti hai. Yahaan tak ki kolaget maamale mein CBI report ko lekar unki jo rananeeti rahi, use lekar party ke bheetar aalochna ke sur ubhar rahe hain. Manmohan parivaar se kareebi ek senior Congressi neta ke mutaabik, bhale hi vah Punjab ke kote se aate hon, lekin unka na to raajya mein aur na hi raashtreeya star par koi base hai. Unka faayda na to raajya mein party ko mila hai aur na hi kendra mein sarkaar ko. Party mein unke baare mein kaha jaata hai ki pradhaanamantri parivaar se unki najadeeki hi unki ab tak ki ekamaatr upalabdhi rahi hai. Itna hi naheen, UPA sarkaar mein unhein ab tak jo bhi mila hai, usaka shreya bhi kaafi had tak isi kanekshan ko jaata hai. Aur bhi rahe hain vivaad gaurtalab hai ki kaanoon mantri banane se pehle vah sansadeeya maamalon ke raajya mantri ke taur par bhi khaas asar naheen chhod paae. Baavajood iske unhein kaanoon mantraalaya jaisa mahatvapoorn vibhaag diya gaya. Is mantraalaya mein aane ke baad unki kaaryashaili ko lekar kai vivaad saamane aae. Jahaan ek or poorv solicitor jaranal aar. Nariman se unka aisa vivaad huaa ki Nariman ne apne pad ko chhodna behtar samjha, vaheen kuchh mahatvapoorn kaanoonon ko lekar jo vivaad saamane aae, usamein kendra mein kaanoon mantraalaya ke rukh ko bhi jimmedaar maana gaya. Sahamati se sex ki umr va judishl apauintameint mein kaulejiym ki bhoomika par uthe vivaad ko bhi unheen ke mantraalaya se jodkar dekha ja raha hai.

Court Par Nirbhar Karegi Kaanoon Mantri Ki Kismat https://www.angrejinews.com/pic/6954