Court Kainpas Mein Hui Vakeel Ki Pitaai

Breaking »

Court Kainpas Mein Hui Vakeel Ki Pitaai

enabeeti news . Kurukshetr Haryana ke yamunaanagar mein us samay log hairat mein pad gaye jab kaanoon ki ladaai ladne vaale ek vakeel ko chaakachauband suraksha vaale jila kachahari parisar mein adhikaariyon ke kaaryaalaya ke theek baahar kuchh agyaat badmaashon ne peetapeet kar adhamara kar diya. Vakeel ka bhaai va maan rote bilkhate rahi magar sachivaalaya ke kaaryaalayon mein baithe adhikaariyon ke kaanon tak unki aavaaj naheen pahunchi. Kaafi koshishon ke baad kareeb ghantebhar mein ambulance pahunchi aur vakeel ko shahar ke trauma center mein le gayi. Ghaayal vakeel ki haalat gambhir bani hui hai. Peedit vakeel raajesh Kumar uttarapradesh ke sahaaranapur ka nivaasi hai. Ghaayal edavoket raajesh Kumar ke bhaai vinod ka kehna hai ki vakeel apni patni ke saath chal rahe kaanooni vivaad ke silsile mein yamunaanagar kachahari mein aaya tha. Unka aarop hai ki raajesh Kumar ki patni ne hi badmaash bula rakhe the. Achaanak badmaashon ne vakeel raajesh Kumar par hamla kar diya. Aaspaas ke log aur yahaan tak ki policekarmi bhi dekhte rahe lekin kisi ne use bachaane ka prayaas naheen kiya. Bina dauktari madad ke raajesh sarkaari kaaryaalayon ke baahar dard se karaahate rahe, unki maan aur bhaai ne bhi madad ke liye guhaar lagaai par koi madad ko aage naheen aaya. Baad mein media ko pata chala to unhonne ambulance mangavaakar use trauma center bhijvaaya.

Court Kainpas Mein Hui Vakeel Ki Pitaai https://www.angrejinews.com/pic/8604