Congressi Vidhaayak Bole, Orissa-Bihar Ke Majadooron Ko Goa Se Nikaalein

Breaking »

Congressi Vidhaayak Bole, Orissa-Bihar Ke Majadooron Ko Goa Se Nikaalein

Panaji. . Ab tak shaantipoorn pradesh maane jaane vaale Goa mein bhi ek raaj Thackeray ka udaya ho gaya lagta hai. Yah Congress ke hi vidhaayak hain aur inka naam hai vishvajit raane. Inhonne maang ki hai ki Goa se bihaariyon ko nikaal baahar karna chaahiye kyonki ve aparaadh ko badhaava dete hain. Mangalvaar ko vidhaanasabha mein raane ne yah bahucharchit bayaan diya. Unhonne kaha ki Goa khanan udyog ke liye anubandh par Orissa tatha Bihar se laae gaye majadooron ko Goa se baahar nikaale jaane ki jaroorat hai, kyonki yahaan khanan par pratibandh ne in majadooron ko aparaadh karne par majaboor kar diya hai. Goa mein badhte aparaadh star par raane ne kaha, 'Goa mein khanan udyog ke liye Orissa va Bihar se badi sankhya mein majadooron ko anubandh par laaya gaya. Hamamein se koi naheen jaanta ki unki pehchaan ki pushti police se karavaai gayi hai ya naheen. Unhein Goa se baahar nikaale bina ham aparaadhon par niyantran naheen pa sakte. ' Goa mein lagaataar ho rahi chori tatha loot ke aparaadhon sahit Goa mein badhte aparaadhon ke liye raane ne khanan par lage pratibandh aur uske kaaran utpann berojgaari ko jimmedaar thaharaaya. Raane ke savaal ka javaab dete hue mukhyamantri manohar parrikar ne kaha ki majadooron ko laane vaale thekedaaron par yah dabaav banaaya jaaega ki ve in majadooron ki pehchaan ki pushti karne ka daayitv nibhaaen

Congressi Vidhaayak Bole, Orissa-Bihar Ke Majadooron Ko Goa Se Nikaalein https://www.angrejinews.com/pic/3088